Кауіпсіздік дәріскері
Жаңалықтар
06.03.2018, 15:38
![](https://rail-news.kz/uploads/posts/old/railnews5bc4939408ff62.80408103.jpg)
Гүлдана Құсайынова Жамбыл локомотив пайдалану депосында пойыздар қозғалысын қамтамасыз ету бойынша бас маман болып еңбек етеді. Бұл мамандық депоға өткен жылдан бастап енгізілген екен.
– Қазіргі таңда мен әдістеме жасаумен айналысудамын. Менің қызметім – жас мамандарды пойыздардың қозғалыс қауіпсіздігін сақтаудың, оның бұзылуына жол бермеудің қыр-сырына үйретіп, білімдерін жетілдіру. Жаңадан шыққан бұйрық-ережелермен таныстыру. Сол себепті машинист нұсқаушылармен тығыз байланыста жұмыс істеймін. Олармен жұмыс жоспарын бірлесе жасаймыз. Қозғалыс қауіпсіздігіне қатысты фактілерді талдаймыз. Әрине, біреуге бірдеңе үйрету үшін өзімнің білімім толық болуы керек. Бұл мамандық теміржолға жаңадан енгізілгендіктен, өзімнің де үйренерім әлі көп. Сондықтан күнде білімімді жетілдіріп отырамын. Құдайға шүкір, қазір қажетті ақпарат-материалдар қолжетімді. Оның үстіне, Жамбыл жүк тасымалы бөлімшесінде қозғалыс қауіпсіздігі ревизоры бар. Сол маманнан ақыл-кеңес алып отырамын. Өткен жылы Астанада семинар өтті, сонда біраз нәрсені үйрендім. Жалпы маған өз қызметім ұнайды, адамдармен жұмыс істейсің, жастарды үйрете жүріп, өзің де үйренесің, – дейді қозғалыс қауіпсіздігі маманы.
Гүлдананың теміржолда жұмыс істеп жатқанына отыз жылдан асыпты. Он сегіз жасында бөлімшеге тауар кассирі болып жұмысқа тұрған өрімдей қыз он жылдан соң локомотив депосына оператор қызметіне ауысады. Ол кезде жөндеу және пайдалану депосы бірге болатын. Кейін екі депо өз алдына бөлініп шыққанда, Гүлдана локомотив пайдалану депосында техник болып жұмысын жалғастырады. Кейін инженер болады. Ал бүгінде пойыздар қозғалысын қамтамасыз ету бойынша бас маман болып еңбек етуде. Ашық-жарқын мінезді, көңілді, кішіпейіл Гүлдананы бір көрген адам тағдыр еркелеткен жан деп ойлауы ғажап емес. Ал, шын мәнінде, тағдырдың жазуы шығар, ол жеке өмірін бауырларының бақыты үшін сарп еткен қазақ әдебиетіндегі «әпке» образын еске түсіреді.
«Ағам мен жеңгем жол апатына ұшырап, қаза болғанда артында екі ұлы қалды. Осы екі інімнің болашағына өзімді жауапты сезіндім. Міне, қазір, Құдайға шүкір, бауырларым ер жетті. Менің жолымды қуып, темір жол саласын таңдады. Қазір екеуі де машинист көмекшісі болып жұмыс істейді» деп өз сырымен бөліскен еді кейіпкеріміз.
Сұлугүл БАКЕСОВА
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді