Қауіпсіздіккке – қатаң талап
Жаңалықтар
24.04.2018, 15:25
![](https://rail-news.kz/uploads/posts/old/railnews5bc4952f28ce59.68794892.jpg)
Теміржолда қауіпсіздік бойынша жасалып жатқан сан алуан жұмыстарға қарамастан болат жолда мал мен жанның жарақат алуы, мерт болуы сынды келеңсіз оқиғалармен қоса, жол үстінде бөгде заттардың жатуы, пойыз бен автокөліктердің соғысуы, тауарлы-материалдық құндылықтардың жоғалуы сынды жағымсыз жайттар да азаймай отыр. Бұл мыңдаған адам өмірі мен денсаулығына қауіп төндіріп, теміржолға орасан зор материалдық шығындар келтіруде.
Осыған орай жыл сайын сәуір айында құрылымдық теміржол мекемелері, мемлекеттік органдар өкілдерінің басын қосып «дөңгелек үстел» өткізетін «ҚТЖ» ҰК» АҚ «Магистральдық желі дирекциясы» филиалы қауіпсіздік жиынын биыл да ұйымдастырып, өзекті мәселенің өткір тұстарын талқылап, бірлесе шешуге тырысты.
«ҚТЖ» ҰК» АҚ «Магистральдық желі дирекциясы» филиалы директорының қауіпсіздік бойынша орынбасары Рысбек Ахметбековтің айтуынша, олар теміржолдағы қауіпсіздік мәселесіне жергілікті атқарушы органдарды араластыруға тырысуда. Елді мекендерді ортасынан қақ жарып өтетін темір жолы бар станциялардағы тұрғындардың теміржолды кесіп өтуі әдетке айналған. Пойыз жолы мен автокөлік жолы түйісетін өткелдер де сол халық жиі қоныс тепкен жерлерде. Сол сияқты мал басу фактілерін азайту үшін теміржолға жақын ауылдар халқымен кездесіп, түсіндіру жұмыстарын жүргізу, ереже бұзғандарға жаза қолдану мәселелері де біржақты шешілетін жұмыстар емес. Р.Ахметбеков әкімдіктермен бірлескен жұмыстардың оң нәтиже беріп жатқан тұстарын айта келіп, Атырау, Қызылорда, Дегелең сынды бірқатар станцияларда жолаушылар өткелдерінде бейне регистраторлар жергілікті әкімдіктер күшімен қойылып, Павлодар, Бейнеу станцияларында жолаушылар өткелі де әкімдіктер күшімен салынғанын айтты.
Ал ұлттық компанияның қауіпсіздік департаментінің директоры Нұрлан Мағзұмбеков былтыр 2017 жылы атқарылған жұмыстар туралы баяндама жасады. Департамент бойынша былтыр қозғалыс қауіпсіздігі бұзылған 183 оқиға тіркеліпті, 2016 жылы 190 болған. Көрсеткіш 7 оқиғаға азайған. Департамент директоры жалпы қозғалыс қауіпсіздігінің бұзылу фактілері азайғанымен, соның ішінде адам басу фактілерінің артуы алаңдатып отырғанын жеткізді.
– 2017 жылғы оқиғалардың ішінде жол-көлік оқиғасының саны 14 болса, адам басу 68 оқиға болып тіркеліп, алдыңғы жылдан 14 оқиғаға артқан. Ал мал басу фактісі 98 оқиға болып, бұл 2016 жылдан азайған. Сонымен қатар 3 рет жолда бөгде заттың жатуы тіркеліп, ол да 9 фактіге төмендегенін көрсетеді, – деді департамент басшысы.
Сонымен бірге олар былтыр жоспар бойынша ұлттық компания мен көліктегі ІІД-мен бірлесе біраз жұмыс жүргізген екен. Теміржол нысандарында жүріп, жолға бөгде зат қойып кететін, әйнек сындыратын, қаңғыбас, қараусыз кәмелет жасқа толмағандарды анықтау, балалар жарақат алушылығының алдын алу үшін желілік тәртіп сақшылармен бірге 989 рет рейд ұйымдастырылған. Жол тәртіп сақшыларымен бірге автокөлік жүргізушілерінің теміржол өткелдерінен өту ережесін сақтауын қадағалау бойынша 2977 бірлескен рейд жүргізілген және соның барысында 859 заң бұзушылық анықталған. Сондай-ақ станцияларда 19239 жиын өткізіліп, 100 мыңнан астам адамның қатысуымен мектептерде түсіндіру жұмыстары өткен.
Мал ұстайтын ауыл халқымен түсіндіру жұмыстарынан бөлек теміржол бойына малға қарсы қоршау қою да маңызды шаруаның бірі. Былтыр жоспар бойынша шаруашылық тәсілімен 300 км жолға малға қоршау жүргізу көзделген болса, ол артығымен орындалып, қоршау 355,6 км-ге дейін салынған. Сонымен қатар 600 км малға арналған қоршауды жөндеу жоспарланған болса, іс жүзінде 882,1 км қоршау жөнделген. Ал биылға жоспар бойынша 650 км кем емес қоршауға жөндеу жүргізу көзделуде. Шаруашылық тәсілімен 300 км кем емес қоршау салу жоспарлануда. Теміржол арқылы көпшілік өтетін жолдарда 567 ескерту белгісі қойылып, олардың бұрыннан бар 725-і жаңартылған. Өткелдерде 438 плакат ілінген. «Қауіптілігі жоғары аймақтардан азаматтардың өту ережесі» атты бейнеролик 11 теміржол вокзалында көрсетіледі.
Ал компанияның өндірістік қауіпсіздік және экология департаменті өкілі Константин Колесников бекітілген шаралар жоспары арқылы жасалған жұмыстармен таныстырды. Мәселен, теміржолда жарақат алу фактілерін болдырмау және оның алдын алу үшін халықаралық тәжірибе зерттелген. Жергілікті атқарушы органмен бірлесе күзетілмелі аймақта және теміржолға өте жақын жердегі аймақтарда құрылыс жүргізбеу бойынша жұмыстар жасалған. Магистральдық желі бойынша жолаушылар өткелі мен төсемдер салу қажеттілігі туып тұрған 18 телім анықталған.
Дөңгелек үстелге теміржолшылармен қатар әскерилендірілген күзет қызметі, Көліктегі ІІМ өкілдері, ҚР ІІМ әкімшілік полиция комитеті, МАИ төрағалары, басқа құзыретті мекеме қызметкерлері қатысып, қауіпсіздікті сақтауға байланысты алда атқарылар жұмыстар жайын кеңесті. Қауіпсіздік талаптарын қатаңдату қажеттігі сөз болды. Жиын соңында барлық қатысушыларға дөңгелек үстелдің ұсынымы берілді. Осы ұсынымдар және жиында айтылған ұсыныстар негізінде 10 күн ішінде хаттама толтырылып, соған сай әр қатысушы өзінің қосар ұсынысын жолдауы керек. Ұсынымда «ҚТЖ» компаниясы, құзыретті мемлекеттік органдар және магистральдық желінің ішінара бөлімшелері жұмыс топтарының өз қызметі шеңберіне сай атқаратын жұмыстары көрсетілген.
Ал мемлекеттік органдар тарапынан теміржол көлігінде азаматтардың қауіпсіздік ережесін бұзуына қатысты әкімшілік заңды қолдану тәжірибесін жетілдіруі күтіледі. Сонымен қатар теміржол өткелдерінде заң бұзушылықтың алдын алу үшін жол полициясы жұмысын жандандыру қажет, т.т. шаралар тізбегі ұсынылған.
Райхан РАХМЕТОВА
Суретті түсірген Александр ЖАБЧУК
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді