Ауру ошағы залалсыздандырылды
Жаңалықтар
24.04.2018, 15:39
![](https://rail-news.kz/uploads/posts/old/railnews5bc4953210a2a8.07278331.jpg)
Қызылорда теміржол вокзалында №55 «Көкшетау-Қызылорда» жолаушылар пойызын бүгінгі күтіп алушылардың қарасы әдеттегіден гөрі қалыңырақ әрі арнайы киім киген мамандар көп көрінді. Бет-ауыздарын тұмшалап, дәрігерлік қорғаныс киімін киген топқа былайғы халық үрке қарайтындай.
Қызылорда магистральдық желі бөлімшесі директорының вокзал шаруашылығы жөніндегі орынбасары Жандарбек Өтегенов бастаған теміржолшылар салқынқандылық танытып, жолаушыларды үрейленбеуге шақырып, вокзалдағы дауыс зорайтқыш арқылы жағдайдың бақылауда екенін және арнайы қызмет мамандарына кедергі келтірмеуді сұрады.
Вокзалдағы күнделікті тіршіліктің өзгеруіне себеп болған нәрсе – аталған пойыздың вагонында аса қауіпті жұқпалы дертке шалдыққан науқастың болуы мүмкін деген хабар бар. Күнделікті белгіленген кесте бойынша келе жатқан жолаушы пойызының машинисінен сағат таңғы 7.05 те №16 вагонда басы қатты ауырып, қалтырап, дене қызуы көтеріліп келе жатқан аса қауіпті жұқпалы дертке күмәнді науқас жолаушының бар екендігі туралы хабар түсіп, сол сәттен бастап бүкіл құзырлы орындар құлақтанып, вокзал басына жеткен бойда алдын алу шараларына қамдана бастаған еді.
– Бұл, әрине, әдеттегі оқу-жаттығу сабағы. Басқарманың аса қауіпті жұқпалы аурулардың алдын алу іс-шараларының кешенді және шұғыл жоспарына сәйкес аса қауіпті жұқпалардың ошағын шоғырландыруға және жоюға барлық қызметтер мен құрамалардың өзара әрекеттесу тәртібін ұштау мақсаты оқу-жаттығу өткізіп отырмыз. Жаттығуға қатысқан құрылымдар өздерінің ауруды оқшаулау, төтенше жағдайда септесіп әрекет жасай білетіндіктерін дәлелдей білуі қажет, – дейді ұйымдастырушылар атынан Қызылорда бөлімшелік көліктегі қоғамдық денсаулық сақтау басқармасы өкілі Зәуре Сансызбаева
Оқу-жаттығуға аймақтағы барлық тиісті мекемелерге, теміржол басшылығына, облыстық төтенше жағдайлар департаментіне, құқық қорғау органдарына, т.т. хабар таратылған. Жолаушылар пойызы вокзалға кесте бойынша 08-24 сағатта келіп жеткен бойда қауіпті ауру ошағында эпидемияға қарсы тиісті іс-шаралар жүргізу үшін жолаушылар пойызы құрамындағы науқас орналасқан вагон ағытылып алынып, санитарлық тұйыққа жіберілді.
Медициналық қорғаныс киімін киген эпидемиолог, чумолог, инфекционистерден құралған дәрігерлік кеңес тобы науқасты қарап, клиникалық және эпидемиологиялық деректер негізінде науқасқа «құс тұмауы» деген диагноз қойып, зертханалық тексерулерге материалдар алынғаннан кейін науқас және сол науқаспен қарым-қатынаста болған 25 адам Облыстық жұқпалы аурулар ауруханасына жатқызылуы үшін жедел жәрдем көлігіне орналастырылды...
Науқас вагоннан түсірілгеннен кейін ауру ошағында қорытынды залалсыздандыру жұмысы жүргізілді. Оқу-жаттығу сабағын жүргізу барысында барлық қызметтер мен құрамалар аса қауіпті жұқпалы ауру пайда болғанда өзара қалай әрекеттесудің үлгісін көрсетіп, дайындығын танытты.
Сабырхан СЕЙІЛБЕКҰЛЫ, Қызылорда
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді