Еңбек қорғау – ел назарында
Жаңалықтар
15.05.2018, 16:08
![](https://rail-news.kz/uploads/posts/old/railnews5bc495978e1c42.70332017.jpg)
Ақтөбе теміржолшылары түрлі жылдары өндірісте жұмыс барысында мерт болған еңбеккерлерді бір минут үнсіздікпен еске алды. Бұдан кейін олар марқұм жандардың қандай жағдайда қаза болған бақытсыз оқиғаларын еске алып, алдағы уақытта мұндай жазатайым жайттарды болдырмау үшін қандай іс-шаралар легі қолға алынып, жасалынып жатқанын талқылады.
Ақтөбе жүк тасымалы бөлімшесінің еңбек қорғау және қауіпсіздік техникасы жөніндегі жетекші инженер Лаура Әлжанова жас теміржолшылардың өмірі мен денсаулығына алаңдаушылық білдірді. Оның айтуынша, оқудан еңбекке, жастық шақтан ересек өмірге қадам басқан жас мамандар еңбегін қорғауды жақсарту керек. Бұл да бақытсыз оқиғалардың алдын алу және жұмысшылар денсаулығының күрт нашарлауын болдырмау мақсатында жасалып отырған шаруалар.
«Жер бетінде 18-24 жас аралығында 540 миллионнан астам жас жұмысшы бар делік. Бұл барлық жұмыс күшінің 15 пайызы. Ал өндірісте жарақат алатындардың үлесі 40 пайызды құрауда. Жас мамандардың өндірістік жарақат алмауы оларға жасалған қолайлы еңбек жағдайы мен еңбекке сауатты бейімдеуіне байланысты болмақ», - дейді Лаура Әлжанова.
Жетекші инженердің пайымынша, қайғылы жайттардың басты себептері - жауапты тұлғалардың тарапынан жұмысты дұрыс ұйымдастырмау, өндірістегі персоналды жеткіліксіз оқыту, жастардың еңбек қауіпсіздігі талаптарын бұзуы, басшылық тарапынан еңбек тәртібі мен қауіпсіздік техникасының сақталуын тиісті деңгейде бақылауға алмауы, жауапкершіліктің жоқтығы тағысын тағылар екен.
« Ақтөбе жүк тасымалы бөлімшесінің қауіпсіздік және еңбек қорғау саласындағы саясаты жұмысшының жарақат алуы мен денсаулығының нашарлауына жол бермеуге бағытталып отыр. Сондықтан, тәжірибелі мамандар мен бөлім жетекшілерінен сұрайтынымыз – жастар жұмысқа тұрғанда, оларға білмегендерін үйретіп, тәжірибелеріңізбен бөлісіп, еңбекке баулуға атсалыссаңыздар екен. Сондай-ақ, жұмыс барысында болуы ықтимал қауіпті факторлар туралы да ескертіп отырсаңыздар деймін. Адам денсаулығы мен өмірі - ең бастысы», - дейді еңбек қорғау және қауіпсіздік техникасы жөніндегі жетекші инженер.
Техникалық бөлім басшысының орынбасары Қобылан Бектұрғанов өндірістегі жайттарды тізбелеп, өткен жылы қандай жайттар болғанын айтып берді.
Оның айтуынша, 2017 жылы Ақтөбе жүк тасымалы бөлімшесі бойынша 29 келеңсіз оқиға тіркелген. Оның ішінде 9 факт есепке алынған. Ал көп жағдайда, жұмысшылардың өздері қауіпсіздік техникасы ережелерін сақтамау салдарынан өндірістік жарақат алған. Тіпті, көп жыл тәжірибесі бар адамдар да өндірістік жарақат алған оқиғалар да кездескен. Олардың басты айыбы, өздеріне барынша сенімділік танытып, қырағылықты жоғалту екен.
«Бақытсыз оқиғалардың көбісі, пойыз құрастырушылары арасында болады. Бір адам көз жұмды. Дөң станциясында қайғылы жайт тіркелді. Көңілге кірбің салар мұндай оқиға локомотив шаруашылығында да болды. Қандыағашта сумен жабдықтаушы да бақытсыз жағдайға тап болды, - дей келе, Қобылан Бектұрғанов жиналғандарға бейнеролик көрсетіп, бақытсыз жағдай болғанда қандай алғашқы көмек көрсету керектігі туралы әңгімелеп берді.
Асқар Ақтілеу, Ақтөбе
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді