Шаған станциясы сенімді қолда...

Жаңалықтар
09.08.2016, 12:39
 Семейде  кіл жастардан құралған ұжымдар көп. Дегелең – Семей телімінің бойындағы  Шаған станциясында да жаңа толқынның қатары мол. Аға буынның орнын алмастырып, саладағы қызметті қолға алған жастар арасында қазіргі күннің өзінде еңбегімен еленіп, жетістікке жетіп жүргендер көп. Станция бастығы Айдос Тоқтаров – осыдан үш жыл бұрын ғана станция кезекшісі болып еңбек жолын бастаған 29 жастағы жігітке қазіргі күні жауапты қызмет сеніп тапсырылған. Алғырлығымен көзге түскен Айдос өзіне жүктелген міндеттерді  абыроймен атқаруда. Шағын станция болғанымен тіршілігі қауырт елді мекендегі теміржолшылар өміріне қатысты барлық мәселелерді шешіп отыр.  4-ші класты Шаған станциясында қабылдау-жөнелту жолдары төртеу. Тұйық жолдар да бар.  Бірнеше жолаушылар пойызы да аял жасайды. Оның үстіне іргедегі орын тепкен Қаражыра көмір кенішінің маусымдық жұмысы басталған кезде станциядағы сегіз теміржолшының жұмысы қыза түседі. Бұл кезеңде станциядан бір ауысымда 19 жұп жүк тиелген жылжымалы құрам өтеді екен. Көмір тасымалдау маусымы бойы жұмыс бір тынбайды. – Елдің теріскейі мен күнгейін жалғап жатқан желі біздің станция арқылы өтетіндіктен тасымал қарқыны да жоғары. Біз арқылы өтетін әрбір жүк құрамын кедергісіз өткізу үшін қолайлы жағдай жасау  міндетіміз, – дейді жас станция басшысы. Жалпы, шалғайда жатқан осынау станцияда  70 шақты теміржолшы қоныстанған, олардың денін жолшылар құрайды. Сала қызметкерлерінің әлеуметтік ахуалы басшылық назарынан тыс қалған емес.  Теміржолшылар арасында көпбалалы отбасылар көп. Барлығы да ұжымдық шартқа сәйкес тиісті жеңілдіктерін пайдаланып отыр. Еңбек қауіпсіздігі – Айбек Заманбекұлының ерекше мән беретін, бұлжытпай атқаратын міндетіне жатады. Теміржолшылардың өмірі мен денсаулығы қашан да басты орында тұратынын жалына ұстайтын жас басшы  қарамағындағы аз адамның қолайлы жағдайда жұмыс істеуі үшін қолдан келгеннің бәрін жасауға мүдделі.  Жазық далада орын тепкендіктен қыс мезгілінде бұл аймақта табиғат аса қатаң. Қарлы боран айлап соғады. Үскірік аязда теміржолшылардың беті-қолын үсік шалмас үшін далаға шығар алдында арнайы жақпамай жағылады. Бұл процесті станция бастығы өзі қадағалап, мұқият назарда ұстайды. Жаздың аңызақ аптабында да солай. Теміржолшылар үшін көлеңке боларлық панажайлар жасалынады. Биыл жауын-шашынның көп болуы  масаның жылдағыдан көп болуына себеп болыпты.  Қансорғыш жәндіктер әсіресе жаңбырдан кейін бұлт тәрізді қаптап, желі бойында қызметін атқарып жүрген теміржолшыларды шыдатпауға дейін барады екен. Шағандықтар олардан қорғану үшін жұқа дәкеден «маска» жасап алыпты.  Аймақта ірі қара мал ұстайтын шаруашылықтар көп орын тепкен. Сол себепті теміржолшылар атқа мініп, желі бойын төрт-түліктен қорғайды екен.  Қазіргі күні бұл бағытта бірқатар шаралар қолға алынуда. Атап айтқанда, жергілікті әкімдікпен бірлесіп, желі бойына шығып кеткен қараусыз малды арнайы орынға қамап, иесіне қомақты айыппұл салу ісі қарастрылуда. Одан бөлек желілік полиция бөлімімен бірлесіп, рейдтік жұмыстар ұйымдастырылады әрі жұртшылықпен кездесулер өткізіледі. Міне, осынау шаралардың барлығында станция қызметкерлері де жүруге мәжбүр. Бәлкім соның нәтижесі болар, соңғы кездері станцияға қарасты аумақ бойынша шұғыл тежелу оқиғалары мүлдем орын алмапты. Осыдан біраз бұрын күрделі жөндеу жұмыстары өткізілгендіктен станция ғимараты барлық талапқа сай. Биылғы ағымдық шараларды да өз күштерімен жүргізіп, ұядай ғимаратта жастардың белсенді қызмет етуі осындағы аға буын өкілдерін де риза етіп отыр екен. «Жас келсе іске деген, келешек сендердікі» деп жастарға жігер береді аға буын.  Қорыта айтқанда, Шаған станциясы сенімді қолда... 

Қуаныш ҚОЖАЕВ, Семей

Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды