Басты бағыт - "Нұрлы жол"

Жаңалықтар
23.05.2016, 10:32
«Қазақстан темір жолы» ҰК» АҚ президенті Асқар Мамин Елбасыға ұлттық компанияның өткен жылғы қызмет нәтижесі мен биылға арналған жоспарлары жайлы баяндап, Ұлттық компания операторы саналатын «Нұрлы жол» инфрақұрылымдық бағдарламасын жүзеге асыру барысынан ақпар берген.  Мемлекет басшысы Қазақстанның транзиттік және экспорттық әлеуетін нығайтуда, экономиканы әртараптандыруда және де жаңа жұмыс орындарын құрып, жалпы ішкі өнімді еселеуде көліктік-логистикалық кешенді дамытудың маңыздылығын атап өткен. Сонымен қатар, Нұрсұлтан Назарбаев инфрақұрылымдық жобалар мен экспорттық бағыттағы жоғары технологиялы өндірістер, елдегі экономикалық саясаттың басым бағыты екеніне назар аударған. «Қазақстан темір жолы» компаниясының жетекшісі автомобиль және темір жол магистральдарын қайта құрылымдау, Каспий жағалауындағы порттық нысандарды жаңғырту, «Қорғас» экономикалық аймағы мен шекара маңы ынтымақтастығы халықаралық орталығы тыныс-тіршілігін өркендету қадамдары аясындағы барлық жұмыстар кестеге сай атқарылуда екенін жеткізген. Мәселен, былтыр «Боржақты – Ерсай» темір жол желісі қолданысқа тапсырылып, «Қорғас – Шығыс қақпа» АЭА «Құрғақ портының» тұсауы кесілді. Осымен бірге, Ақтау айлағының бірқатар нүктелері, Астанада орналасқан Орталық Азиядағы ең ірі көліктік-логистикалық орталық пайдаланымға берілгені аян. Осы жылдың аяғына дейін Маңғыстау облысындағы Құрық портында паромдық кешен құрылысы аяқталып, «Алматы-1 – Шу» темір жол теліміндегі екінші жол бой көтеріп бітетіні көзделуде. Ал «ЭКСПО-2017» көрмесінің ашылуына орай, елордада әуежайдың халықаралық терминалы мен жаңа темір жол вокзалының құрылысы тәмамдалмақ. Тағы бір өзекті мәселе, Компаниядағы қызметті жетілдіру мен шығындарды қысқарту бағдарламасының жемісінде, экономикалық тиімділік 2015 жылы 169 миллиард теңгеден асып түскен. Контейнерлік пойыздарды жіберудегі белсенді іс-қимыл арқасында Қытай мен Еуропа арасындағы қатынаста транзиттік контейнерлік ағым өткен он екі айда 2 есеге өсіп, транзиттік тасымалдан келетін кіріс көлемі ортақ үлестен 28 пайызды төңіректеген. 2011 жылмен салыстырғанда 43 есеге көтерілген. Қазіргі таңда отандық темір жол көлігі өнімдерін Иран мен Украина нарығы қабылдауға мүдделілік танытып отырғаны да қуантады. Кездесу қорытындысында Елбасы нақты міндеттерді айқындаған. Бұл тұста Қорғасдағы қызу істің мән-жайына қанықтыра кетсек, Қытаймен қақпада 10,6 млн текше метр топырақ толық үйіліп, екі жолақты жол салынған. 23,7 шақырымдық жолдың үстіңгі қабаты төселген. «Қорғас – Алматы» тоннельдік үлгісіндегі көлік айырымы, контейнерлік терминал дүниеге келген. Алтынкөл станциясымен түйіспе нүкте, кіреберіс жолдар, Өнеркәсіптік станциясы, Құрғақ порттағы контейнерлік терминал сынды бөліктерден тұратын «Қорғас – Шығыс қақпа» жобасы темір жол телімінің техникалық дайындығы туралы акті бекітілгені де белгілі. Құрғақ порт операторы, кедендік рәсімдеу орталығы, басқарушы компания, өрт сөндіру депосы, уақытқа сақтау қоймасы тәрізді нүктелердің құрылысы тәмамдалғаны да біраз уақыт өтті. Құрғақ жүк порты құрамында контейнерлік алаң, кіреберіс темір жолдар, қоймалық жайлар пайда болған. Осымен бірге, қажетті істерге кіріскен тиісті жерде жиырма футтық өлшемдегі контейнерлердің өңделіп үлгергені, қаптамадағы, жекелеген өнімдердің белсенді таразыланып жатқаны мәлімделуде. «Қорғас»ХШЫО алқабында экспорттық-импорттық сауда әрекеттерін түзіп, уағдаластық шеңберіндегі логистика тізбегін жүргізуде инвестициялық жобалар бастау алған. Нәтижесінде, «Нұрлы жол» бағдарламасы бойынша тындырылудағы шарапатты жобалар, Қазақстанның транзиттік-көліктік әлеуетіне соны түрде серпіліс сыйлап, жаңа Жібек жолының экономикалық белдеуін құруға елеулі септігін тигізбек.  

Тәңірберген АРҒЫН

Әлемде
23.07.2024
Германияда Еуро-2024 кезінде қалааралық пойыздармен 12 миллион жолаушы тасымалданды
Әлемде
23.07.2024
Еуропалық Одақ көлік жобаларына 7 миллиард еуро бөлмек
Жүк тасымалы
23.07.2024
ҚТЖ астық тасымалына дайындығын пысықтауда
Қауіпсіздік
23.07.2024
Атырауда техникалық-әдістемелік сабақ өтті
Жаңалықтар / Мұрағат
23.07.2024
«Қазақстан теміржолшысы» газеті, №60 23 шілде 2024 жыл
Жаңалықтар
22.07.2024
Қазақстан, Түрікменстан және Ауғанстан жаңа теміржол магистралінің құрылысын талқылады
Инфрақұрылым
22.07.2024
Күрделі жөндеу жұмыстары кезең-кезеңімен жүзеге асырылуда
Әлеумет
22.07.2024
Теміржолшылардың балалары лагерге аттанды
Спорт
22.07.2024
Қазақстан темір жолының 120 жылдығына орай Таразда спартакиада өтті
Жаңалықтар
22.07.2024
Ауғанстан, Түрікменстан және Өзбекстан делегациясы Бейнеу астық терминалының мүмкіндігімен танысты
Жолаушылар тасымалы
22.07.2024
Қаныш Сәтбаевтың 125 жылдығына арнайы безендірілген пойыз жолға шықты
Темір жол тарихы
21.07.2024
«Алатау» жүрдек пойызы қалай пайда болды?
Жаңалықтар
19.07.2024
Жаңа – Есіл локомотив депосының паркі жаңартылды
Жаңалықтар
19.07.2024
Мемлекеттік тілді дамыту бойынша өткен байқаудың жеңімпаздары анықталды
Станция тынысы
19.07.2024
Шағыр станциясында жүк тиеп жөнелту артып келеді
Аймақтар
19.07.2024
«Жасыл істер марафонында» Жамбыл бөлімшесі бірінші орынды жеңіп алды
Жүк тасымалы
19.07.2024
Биыл Қытайға 2 млн тоннадан астам астық экспортталмақ
Сұхбат
19.07.2024
Барлық сын-тегеурінге төтеп бердік
Инфрақұрылым
19.07.2024
11 мың шақырым теміржол жөндеуден өтеді
Жаңалықтар / Мұрағат
19.07.2024
«Қазақстан теміржолшысы» газеті, №59 19 шілде 2024 жыл