Ақтөбелік теміржолшылар сайлауға сақадай сай дайын

Ақтөбелік теміржолшылар 9 маусымда өтетін ҚР Президенті сайлауына сақадай сай дайын. Бөлімшенің бірнеше мекемесінде сайлау учаскелері құрылып, штаб мүшелері бекітілген.

Белгіленген мекемелерде президенттікке үміткерлер туралы ақпараттар ілініп, кабиналарға дейін дайын тұр. Теміржолшылар тарихи маңызды оқиғадан шет қалмауға тырысуда.

«Қазір Ақтөбе қаласының өзінде теміржолшыларға арналған үш, яғни №25, №26 және №54 сайлау учаскелері бар. Алғашқы екеуі теміржол мекемелерінде орналасқан. Ақтөбе магистральдық желі бөлімшесінің бас инженері Жұбанов университетіндегі №54 сайлау учаскесіне төрағалық етеді. Төрағасы да, хатшысы да біздің мекеменің қызметкерлері. Комиссия мүшелерінің құрамында Жіңішке станциясы мен локомотив депосының қызметкері, кадр бөлімінің мамандары бар. Сонымен қатар, сегіз теміржолшы тәуелсіз бақылаушылардың қатарында. Біздің штаттың міндеті – сайлауға қанша қызметкер қатысты және олардың отбасында қанша адам сайлауға үлес қосты деген ақпаратты жинап отырады. Осылай сайлауға қатысқан теміржолшылардың пайыздық көрсеткіші шығады», – дейді Ақтөбе ЖТ бөлімшесі кадр бөлімінің жетекшісі Абзал Ғаббасов.