Жолаушы вагондары жазға дайын
![](https://rail-news.kz/uploads/posts/2019/6/10/1560138411149.jpg)
«Жолаушылар тасымалы» АҚ өзіне қарасты вагон паркінде жазғы маусымға дайындық жұмыстарын аяқтап, алдағы үш айда 6 миллионға жуық жолаушыны тасымалдамақшы.
Жазғы дайындық барысында барша вагондардың сыртқы келбеті мен ішкі санитарлық жағдайы толықтай тексерістен өтті. Атап айтсақ, вагонның сыртын жуу, жылжымалы механизмдерді майлау, тамбурларды сырлау, титан, ауа жылыту және желдету жүйелерін тазарту, фильтр ауыстыру, гигиеналық бөлмелердегі құрылғыларды ауыстыру, едендерді ретке келтіру, аккумуляторлардың тығыздығын тексеру сияқты шаралар жүзеге асты. Ал желдеткіші жоқ вагондарда терезелердің оңай ашылып, жабылуы тексерілді.
Қазіргі таңда Компанияда қаламаңы тасымалымен қоса есептегенде 115 бағыт бар. Оның 105-і әлеуметтік маңызға ие бағыт болса, қалған 10-ы коммерциялық бағыттар. Жолаушы тасымалдайтын 2229 вагон бар. Оның 670-і – Тұлпар-Тальго, 1443 – стандартты вагондар, 116-сы – электро-дизель. Стандартты 917 вагонда, барлық Тұлпар-Тальго және 51 электро-дизель вагондарында ауаны салқындату жүйесі қарастырылған.
Ұлттық тасымалдаушының алдағы он жылға жоспарлаған жұмысы да ауқымды. Компания өзінің вагон паркін жаңартып, 1200 вагон сатып алуды көздеп отыр. Жолаушыларға көрсетілетін сервистің жоғары деңгейде болуына Қоғам мүдделі.
Сондықтан «Жолаушылар тасымалы» АҚ-ның әлеуметтік желілерде парақшалары да бар. Егер жолаушы жол үстінде көңілінен шықпайтын фактілерге тап болса, жағымсыз иіс, лас дәліз, әжетхана бөлмесіндегі судың тапшылығы, жыртық төсек-орын, тағысын тағылар, онда міндетті түрде жолсерікке немесе пойыз басшысына шағымдануға құқылы. Не болмаса фотобейне түсіріп, 1433 бірыңғай қызмет орталығына немесе Компанияның ресми сайтындағы Бас директордың блогына (http://www.temirzholy.kz/blog-predsedatelyapravleniya/») жазып жіберуіне болады. Сонымен қатар әлеуметтік желілердегі (Facebook, Vkonakte) біздің парақшаларымызға өтінім қалдыра алады. Facebook – https://www.facebook.com/profile. php?id=100025640414173; VK – https://vk.com/ temirzholy. Бұл орайда пойыз бен вагон нөмірі, бағыты және өз орныңызды атап өткен абзал. Барлық түскен шағымдар ескеріліп, шара қолданылады.