Балалар - ертегі әлемінде
![](https://rail-news.kz/uploads/posts/2019/6/13/1560423426979.jpg)
Балаларды қорғау күні қарсаңында Қызылорда жүк тасымалы бөлімшесі мен локомотив пайдалану депосында жұмыс жасайтын жалғызбасты және көпбалалы отбасының бүлдіршіндері «Айбөбек» балалардың зейін-зердесін дамытусауықтыру орталығында дем алып, төл мерекелерін тамаша өткізді.
«Қазкөліккәсіп» ҚБ-нің филиалдағы кәсіподақ ұйымының өкілдері алпыс баланың қауіпсіздігін, денсаулығын, амандығын және орталықта өткен уақытындағы ас-сумен қамтамасыз етілуін өз жауапкершілігіне алды. Балаларды Айбөбек орталығына ертегілер елінен келген Даңғайыр үндістер садақтан нысана көздеу шеберліктерімен таң қалдырса, Сұлу мен Құбыжықтардың қызыққа толы қойылымдары сәбилер көңілінен шықты. Ал заманауи аниматорлық бейне кейіпкерлері – Супермен, Бамблби, Бэтмен, Өрмекші адам, Темірадам, Аватар, Минни және Микки маустар, Маша мен Аю бүлдіршіндерге ертегі әлемінде жүргендей сезім сыйлап, олармен қызықты ойындар ойнады. Балалар сонымен қатар батутта секіріп, әткеншек теуіп және бассейнде шомылу бақытына да ие болды.