Қозғалыс қауіпсіздігі мәдениеті

«ҚТЖ-Жүк тасымалы» АҚ бойынша жыл басынан бері қозғалыс қауіпсіздігі мәдениетін қалыптастыру бойынша жұмыстар жүргізілуде.

Қызметкерлердің компания мақсатын түсінбеуі, мәселелерді шешуде тәжірибесінің жеткіліксіз болуы, өзгелерге үйретуі мен өзі де үйренуді қаламауы, жеке қателіктерін мойындамауы, шынайылықты «әсірелеуге» тырысуы олардың қозғалыс қауіпсіздігі бойынша мәдениетінің жеткіліксіздігін көрсетеді. Маңғыстау вагон пайдалану депосында осы бағытта мәдениетті қалыптастыру ережелері жазылған аншлагтар ілінуде. Оларда: «Білмесең – басшыдан немесе әріптесіңнен сұра», «Қозғалыс қауіпсіздігінің бұзылуына әкеп соғатын жарамсыздықты байқасаң – оны болдырмаудың шараларын жүзеге асыр» деген және тағы басқа да үндеулер жазылған. «Егер сіз ешнәрсені өзгерткіңіз келмесе, сіздің орныңызға өзге біреу өзгеріс орнатады» деген де ескерту ілінген.

Сонымен қатар қозғалыс қауіпсіздігі мәдениетінде тәуекел факторының себеп-салдарын бақылағанда, оған жұмыстың нақты жобаланбауы, технологиялық үдеріс пен нұсқаулық талаптарының орындалмауы, бақылаудың регламентке сәйкес жүргізілмеуі, сонымен қатар тікелей басшы тарапынан бақылаудың болмауы, мамандардың практикалық білімдері мен дағдылары деңгейінің төмендігі, т.т. себеп болатыны айтылған.