Қазақстанда жыл сайын контейнерлік тасымалдар көлемі өсіп келеді
![](https://rail-news.kz/uploads/posts/2019/7/19/1563511979287.jpg)
Бүкіл әлем контейнерлік тасымалға ден қойған заманда теміржол немесе автомобиль көлігі болсын, жүкті контейнермен тасымалдау үрдіске айналды және оның үлес салмағы еселеп өсуде.
ҚР Индустрия және инфрақұрылымдық даму министрлігінің мәліметіне сүйенсек, 2019 жылдың өткен 6 айында елімізде жалпы көлік қызметтерінің көлемі 5,3%-ке артқан. Соның ішінде Қазақстан арқылы контейнерлік тасымалдардың жалпы көлемі өткен жылдың сәйкес кезеңімен салыстырғанда 38,7%-ке өсіп, 286,3 мың ЖФЭ құрады.
Қытай – Еуропа – Қытай (ҚХРЕО-ҚХР) бағыты бойынша бұл көрсеткіш 26,4%-ке өсіп, 143,4 мың ЖФЭ құраған. Екінші жартыжылдыққа жасалатын болжам бұдан да жақсы, яғни ағымдағы жылдың соңына дейін 900 мың ЖФЭ-ге дейінгі мөлшерде контейнерлік жүктерді тасымалдауды қамтамасыз ету жоспарланып отырған көрінеді.