Қазақстан мен Тәжікстан өкілдері бірқатар келісімшарттарға қол қойды
Қазақстан Үкіметі басшысы Асқар Маминнің Тәжікстанға жасаған сапары барысында көршілес ел біздің елдің теміржол машинажасау саласы бойынша жетістіктеріне қызығушылық танытқаны белгілі болып отыр.
Қазақстан мен Тәжікстан өкілдері бірқатар келісімшарттарға қол қойды. Соның ішінде тәжіктер тарапынан «Локомотив құрастыру зауыты» АҚ шығаратын маневрлік және магистральдық локомотивтерді сатып алу, жартылай ашық жүк вагондарын және «Ақтөбе рельсарқалық зауыты» ЖШС өндіретін теміржол рельстерін сатып алуға жасасқан келісімнің маңыздылығы зор.
«Еуразиялық даму банкі және KazakhExport сақтандыру компаниясының қолдауымен «Рохи Охани Точикистон» теміржолы мемлекеттік унитарлық кәсіпорны 35 млн долларға теміржол машинажасау өнімдерін сатып алу бойынша бірлескен жобаны жүзеге асыруға келісті», – деп хабарлайды бұл туралы ҚР Ұлттық экономика министрлігінің баспасөз қызметі.