Бірқатар пойыз бағдарлары өзгереді
«Жолаушылар тасымалы» АҚ 2019-2020 жылдарға арналған пойыздардың жаңа қозғалыс кестесінің енгізілуіне байланысты алдағы желтоқсан айының 8-нен бастап бірқатар жолаушылар пойыздарының бағдарлары өзгеретіні туралы мәлімдеп отыр.
Мәселен, №375/376 «Нұр-Сұлтан-Риддер» бағытындағы пойыздың бағдары облыс орталығы Өскемен-1 станциясына дейін қысқаратын болады. Ал №85/86 «Нұр-Сұлтан-Нұрлы жол-Сарыағаш» пойызының жүру бағыты «Нұр-Сұлтан-Нұрлы жол» вокзалынан «Нұр-Сұлтан-1» станциясына ауыстырылмақ. Сонымен қатар бұдан былай №673/674 «Павлодар-Нұр-Сұлтан-Нұрлы жол» бағытындағы пойыз жаңа вокзалдан емес, «НұрСұлтан-1» станциясындағы ескі вокзалдан жүретін болады. «Жолаушылар тасымалы» АҚ баспасөз-қызметінің өкілдері пойыздар қозғалысының жаңа кестесінің енгізілуіне байланысты 2019 жылдың 8 желтоқсанынан бастап «Нұр-Сұлтан-Шымкент» бағытындағы №712/711 пойызының қатынау мерзімі ұлғайтылып, күн сайын айналымға шығатынын хабарлап отыр. Сондай-ақ, алты жолаушылар пойызының нөмірі өзгертіледі. Айталық, «№ 153/154 «Нұр-Сұлтан-Семей» енді № 353/354 пойызы болып, №375/376 «Нұр-СұлтанӨскемен-1» енді №67/68; №377/378 «АлматыМаңғыстау» енді №77/78 болып өзгертілмек. Сонымен қатар жеке тасымалдаушыларға қатысты үш пойыздың да нөмірі жаңаланбақ. Олар «Арай транс kz» ЖШС-не қарасты №312/311 «Нұр-Сұлтан-Семей» енді №121/122 - №307/308 болып, ал «Марал Нұр» ЖШС-не қарасты №307/308 «Нұр-Сұлтан-Жезқазған» енді №107/108 нөміріне және осы мекемеге қарасты «Қызылорда-Нұр-Сұлтан» бағытындағы №617/618 пойызы №117/118 болып өзгермек.