Жолаушылар дән риза
Қараша айының алғашқы күнінен бастап жолаушылар тасымалында жағымды жаңалық орын алып, вагондардағы төсек-жабдықтардың түгел жаңартылуы түбек халқын да қуантқаны анық.
«Жолаушылар тасымалы» АҚ Маңғыстау телімінің бастығы Батырбек Чилимбаевтың айтуынша түбекке қарасты жолаушы пойыздарындағы барлық 157 вагонның матрас, төсек-орын, жастық, орамалсейсептері, тыстарымен, терезе перделері түгел жаңаланыпты. Енді осы айдың 20-на дейін купе вагондарының дәліздеріне жаңа кілемшелер төселмек. Төсеніштерге жууға қолайлы, жеңіл материалдан жасалған. Жинап, орап қоюға арналған буғыштары да қарастырылған. Қысқасы, қазір су жаңа төсектерді қолданған жолаушылардың көңілдері өсіп, риза болып жатқанын көзіміз көріп біз де қуанып қалдық. Вагон жолсеріктерінің де көңіл-күйлері жоғары, жолаушыларға жаңа төсек-орынды ұқыпты қолдану жайлы ескертулерін жеткізіп, олардың алғысына бөленуде. Бұл жақсы жаңалықтар мен өзгерістер жолаушылар тасымалының тұтынушыларын арттырмаса, азайтпасы анық.
Батырбек Чилимбаевтың айтуынша, вагондардағы төсек-орындардың қолдану мерзімі негізінен бес жылды құрайды екен. Дегенмен, қатып қалған қағида жоқ, мерзімінен бұрын ескіріп, бүлініп жатса, әрине жаңасына ауыстыру мүмкіндігі бар. Бұл үшін қосымша қор қарастырылған. Сондай-ақ, төсек-орын белгілі уақытта дезинфекциялық тазалаудан өткізіліп тұрады екен.