Заң бұзушылыққа жол жоқ
Маңғыстауда теміржол вокзалы мен жолаушылар пойыздарында, перрондарда бірқатар ұсақ бұзақылықтардың беті ашылды. Аталған деректер қарашаның 25-27 күндері аралығында өткен «Мүлдем төзбеушілік» акциясы мен «Жасөспірім» жедел іс-шарасы кезінде анықталды. Аталған шаралар Маңғыстау станциясындағы желілік полиция бөлімінің ұйымдастыруымен өтті. Акцияны жүзеге асыру барысында желілік ішкі істер бөлімінің мамандары мектеп оқушыларымен де кездесті. Кездесу теміржолға жақын орналасқан Маңғыстау және Бейнеу станциясының үш білім ордасында болды.
«Мүлдем төзбеушілік» акциясы күндері 38 әкімшілік құқық бұзушы ішкі істер мекемесіне жеткізіліп, жазаға тартылды. Олар ұсақ бұзақылық, алкогольдік ішімдіктерін ішу немесе қоғамдық орындарда масаң күйде келу, жекелеген қоғамдық орындарда темекі шегуге тыйым салуды бұзу, шетелдіктің немесе азаматтығы жоқ адамның көші-қон заңнамасын бұзуы, т.т. Мұндай жайттар бойынша 28 азаматқа қатысты әкімшілік хаттама толықтырылған. Сондай-ақ, Маңғыстау ст. ЖПБ қызметкерлері, көлік прокуратурасының, темір жол мекемелерінің өкілдерімен жоғарыда келтірілгендей келеңсіздіктерді болдырмау үшін 12 дәріс оқылып, №309/310 «Маңғыстау-Ақтөбе» жолаушыларымен екі рет кездесу өтті. Жедел профилактикалық жұмыстар барысында ұсақ бұзақылық жасаған адамдар ұсталып, тиісті жауапкершілікке тартылды.
Бейнеу, Маңғыстау вокзалдарында алкогольдік ішімдік ішіп, мас күйде жүрген 5 азамат анықталды. Бейнеу вокзалынан ҚР мигранттардың елімізде жүруін реттейтін заңды бұзған, яғни Қазақстанда белгіленген мерзімінен артық тұрып жатқан 2 шетелдік ұсталды. Сонымен қатар темір жолдың белгіленбеген жерлерінен жүрген, жолаушылар вагонының терезесінен қоқыс тастаған, пойыздың ішінде немесе перрондарда рұқсатсыз сауда жасағаны, тағы да басқа заң бұзушылықтар үшін 28 хаттама толтырылған.