«ҚТЖ билеттері» – мобильді қосымша
«Жолаушылар тасымалы» АҚ билеттердің электрондық сатылымын жетілдіру мақсатында мобильді қосымшаны іске қосқалы отыр. «ҚТЖ билеттері» деп аталатын қосымша Android платформасында жол жүру құжаттарын сату бойынша функцияны атқармақ.
Бұл қосымша өзінің функционалы бойынша «BILET. RAILWAYS.KZ» сайтымен бірдей және «Күту парағы» қызметі сақталған. Қосымшаны Play Market арқылы – https//play.google.com/store/apps/details?id=kz. railways.bilet.ktjbilets (ҚТЖ билеттері) сілтемесі бойынша жүктеп алуға болады.
«Жолаушылар тасымалы» АҚ баспасөз-қызметі ұсынған дерекке сүйенсек, қосымша тестілік режимде жұмыс істейтіндіктен, Компания интерфейсті және қажетті функционалды жақсарту бойынша clpp2012@ mail.ru эл.поштасына пікірлер мен ұсыныстарды қуана қабылдайтындарын жеткізіп отыр.
Ұлттық тасымалдаушы жол жүру құжаттарын (билеттерді) BILET.RAILWAYS.KZ интернет-ресурсында немесе билет кассалары, бөгде интернет-сайттар, өзіне-өзі қызмет көрсету автоматтары («КИВИ» және «Касса-24» сауда маркаларымен) арқылы немесе пошта бөлімшелерінің қызметтерін пайдалана отырып, рәсімдеуге болатынын еске салады. Егер орын болмаған жағдайда, пойыз жөнелтілгенге дейін 7 тәулік бұрын «Күту парағы» қызметін тегін пайдалануға болады.
Осы ретте, компания қызметкерлері еліміздің азаматтарын билеттерді сатып алу кезінде бөгде адамдардың күмәнді қызметтерін пайдаланбауға, ал билеттерді заңсыз сату фактілері анықталған кезде белсенді азаматтық ұстаным танытып, вокзал кешендерінде орналасқан ҚР ІІМ Көліктегі полиция департаментінің Желілік полиция бөлімдеріне жүгінуге шақырып отыр. Сонымен қатар пойыздарда компания қызметкерлерінің заңсыз әрекеттерінің куәсі болған жағдайда «Жолаушылар тасымалы» АҚ Бас директорының блогына бейнематериалдарды қоса отырып, http://www.temirzholy.kz/blog-predsedatelyapravleniya/ сайтына ақпарат жіберулерін сұрайды. Сонда ғана заңсыз әрекеттердің тамырына балта шауып, тәртіп орнатуға болады.