4 мың адам оқытылған
Корреспондент газеты «Қазақстан теміржолшысы»
«ҚТЖ» ҰК» АҚ-да «Цифрлық трансформация» бағдарламасы аясында пойыздар қозғалысы қауіпсіздігінің жағдайын жақсарту бойынша ісшараларды жүзеге асыру мәселелері бойынша ақпараттық күн өтті.
«ҚТЖ» ҰК» АҚ Басқарма төрағасының бірінші орынбасары Қанат Әлмағамбетов компанияның жолаушылар мен жүк тасымалының қауіпсіз жағдайларын қамтамасыз етуге деген адалдығын атап өтті.
Басты міндеттердің қатарында – темір жолда адамдардың жарақаттану жағдайларын төмендету, қозғалыс қауіпсіздігі мәдениетін, жылжымалы құрамның, жолдардың сенімділігін арттыру, энергиямен, байланыс және СОБ құрылғыларымен жабдықтауды, сондай-ақ-қозғалыс қауіпсіздігін қамтамасыз етуге бағытталған қаржы ағындарын басқару жатады.
Темір жолда адамдардың жарақат алуын азайту үшін мемлекеттік органдардың қатысуымен «дөңгелек үстелдер» өткізілуде. Онда темір жол көлігіндегі қауіпсіздікті қамтамасыз ету бойынша бірлескен ісқимылдар талқылануда. Жол картасында көрсетілген бірлескен іс-шаралардың нәтижесінде пойыздың адамдарды қағу оқиғасы 19%-ға төмендеген. Қызметкерлердің кәсіби деңгейін арттыру үшін өндіріс технологиялары талаптарын сақтау бойынша 4000 адам оқытылыпты, 108 қызметкер «Қозғалыс қауіпсіздігі үшін» төсбелгісімен марапатталған және бір адам қауіпсіздік бұзушылықтарының алдын алғаны үшін сыйақыға ие болған.
Сонымен қатар, ағымдағы жылы жөндеу кәсіпорындарында көрсетілетін қызметтердің технологиялық процестерін сақтау және сәйкестігі бойынша аудиттер жүргізілді. Олардың нәтижелері бойынша анықталған сәйкессіздіктерді жою бойынша ұсыныстар берілді. Ақпараттық күнді қорытындылай келе, Қанат Әлмағамбетов технологиялық үдерістердің мазмұнын ғана емес, сонымен қатар жұмысқа деген көзқарасты өзгерту қажеттігін ерекше атап өтті.