Жылжабар жиын
Кеше «ҚТЖ» ҰК» АҚ Басқарма төрағасының бірінші орынбасары Қанат Әлмағамбетовтің төрағалығымен мал-жанды басып кету, жол-көлік оқиғалары, темір жол нысандарындағы ұрлыққарлықты болдырмау мәселелері қозғалған жылжабар жиын өтті.
Кеңейтілген дөңгелек үстел отырысына Компанияның филиалдары, еншілес ұйымдары қызметкерлері мен қозғалыс қауіпсіздігіне жауапты мамандар, сонымен қатар ҚР Индустрия және инфрақұрылымдық даму министрлігі, ҚР Бас көлік прокуратурасы, Көліктегі полиция департаменті, «Самұрық-Қазына» ҰӘҚ» АҚ өкілдері қатысты.
Қанат Әлмағамбетов жыл сайын тұрақты түрде жүргізіліп тұратын жүйелі жұмыстардың нәтижесінде биыл адамдарды басып кету, жолкөлік оқиғалары көрсеткіштерінің сәл де болса азайғанын атап өтті.
Қозғалыс қауіпсіздігі департаментінің бас менеджері Мұрат Мусин 2018-2019 жылдарға арналған Жол картасы нәтижесінде магистральдық желілерде адамды басу оқиғасы өткен жылға қарағанда 14 пайызға, ал жылжымалы құрамға зақым келтіре отырып, малды басып кету оқиғасының биыл тек бір мәрте орын алғанын хабарлады. Сондайақ, ол Жол картасында көрсетілген іс-шараларды іске асыру барысында 150 мыңнан астам адамды қамтыған 6 мың жиын, құқық қорғау органдарымен 547 рейд өткізіліп, оның нәтижесінде ереже бұзған тұлғаларға 204 әкімшілік айыппұл салынғаны белгілі болды. Жылды қорытындылаған жиында қарастырылған мәселелер мен пікірталас, ұсыныстарды газетіміздің келесі санынан толығырақ оқисыздар.