Жол күтімі cенімді қолда

Жаңалықтар

21.10.2016, 15:58

Ірілендірілген Қызылорда жол дистанциясы – Түркістан мен Жосалы станциялары арасындағы темір жол күтіміне жауапты. Жеті жүзден астам жолшылар ұжымынтәжірибелі теміржолшы Дүйсенбай Әбдиев көп жылдан бері басқарып келеді. Дистанцияның техникалық бөлім бастығы Кенже Қойшыбаева жолшылардың жыл басынан бергі атқарған жұмысы, жалпы жол күтімі жайлы мәліметтер ұсынып, қыркүйек айындағы жоспарлы көрсеткіші 45 бірліктен 37 бірлікке жетіп, межелі жоспар 118 пайызға орындалғанын айтты. Жылжымалы құрамдардың қауіпсіз қозғалысын сақтауға жолшылары барыншакүш салуда. Өткен жылы дистанцияға қарасты телімдерде тепловоз машинистері 107 рет шұғыл тежегіш қолданса, бұл көрсеткіш биыл 87 мәрте қайталанып отыр. Жолға иесіз малдың шығып кетпеуі үшін бұрын әр қада арасы бес метрден болса, қазір қоршаулардың мықтылығын арттыру үшін біздер екі-екі жарым метрден орнатудамыз. Және де қоршау сымына қосымша тікенекті сымды қосымша жүргізудеміздегенмен малдың жолға шығып кетуі азаяр емес, – дедітехникалық бөлім бастығы. Бөлім бастығының ұсынған мәліметтерінекөз жүгіртсек, қыркүйек айында және тоғыз ай ішінде жұмыс барысындағы ақау тудырған оқиға орын алмаған. Алайда тоғыз айда 2 мәрте жұмыс барысында қиындық туындаған. Оның бірі наурыз айында Белкөл – Бірқазан телімінің 2840 шақырымында тепловоз машинисінің жолдың «шайқауын» байқауы болса, екінші жағдай наурыздың жиырма жетісінде Ақмая – Екпінді телімінің 2964 шақырымында жолаушы пойызы машинисінің қараусыз малды басып кетіп, жедел тежегіш қолдануы жұмыс барысындағы қиындық болып тіркеліпті. Және де жылжымалы құрамдардың қозғалыс қауіпсіздігін бұзылуының өзге де оқиғалары 4 рет тіркелген. Ірілендірілген Қызылорда жол дистанция ұжымы биыл жол жөндеу жұмыстарын өткізбегенмен телімдерді ағымдық жол күтімі тұрақты жүргізілуде екен. Және де жолшылар 2 жинақ жол бұрмаларын ауыстырып, 9 жинақ жаңа жол бұрмаларының брустарын ауыстырған. Ағымдық жол күтімі барысында 128 шақырым жоспарлы алдын ала жөндеу жұмыстарын, 40 жинақ бағыттамалы бұрмаларды алдын ала жөндеген, 4,1 мың дана оқшаулы түйіспелерді іріктеген, 9,1 мың дана рельстік жалғағыштар дәнекерленген екен. Сонымен қатар 4,5 мың дана қосалқы рельстік жалғағыштар орнатылып, 33 дана айқаспаларды балқытып жапсырған, жол бойының 60 шақырымдық қоршауы жөнделіп, жаңадан 15 шқ сым қоршау жасалған екен.Сондай-ақ, 6,56 мың дана жаңа шпалдар төсеп, 0,796 мың дана ескірген жарамды темір-бетон шпалдарды салып, 48,924 мың текше метр қиыршық тасты жолды ағымдық күтіп ұстау кезінде төсеген екен. Дистанция телімдеріндегі жолдың техталапқа сай болуын бақылап-тексеру күнделікті шаруа. Бұл жұмыстарға негізінен ақаутапқыш арбашалар жегіледі. Олардың дистанцияда 28 данасы бар, оның екеуі жолды екінші қайтара тексеруге арналған. Қыркүйек айында жоспарға сәйкес 2360 км негізгі, 135 км қабылдап-жөнелту жолдары және 1002 жинақ жол бұрмалары және 3300 пісірілген түйіспелер тексерілсе, тоғыз айда 21329 км негізгі жол, 1374 кмқабылдап-жөнелту жолдары, 9860 жинақ жол бұрмалары және 16696 пісірілген түйіспелер тексеруден өткізіліпті. Есепті мерзімде ақаулы рельстер анықталмаған. Бүгінгі таңда күзгі байқау барысында анықталған кемшіліктерді жою жұмыстары жүргізілуде.

Жол күтімі cенімді қолда

Басқа да жаңалықтар

Қазақстан теміржолшысы газеті, №16 03 наурыз 2026 жыл