«Сенімді серіктес» байқауының жеңімпазы атанды

Жаңалықтар
22.11.2016, 11:37

 Үстіміздегі жылдың 18 қарашасы күні Астанада  «Ұлы дала елі» ІІ-ші  отандық тауар өндірушілер форумы өтті. Шара барысында ҚР Инвестициялар және даму министрі Жеңіс Қасымбектің қатысуымен «Сенімді серіктес 2016» байқауында жеңіске жеткендерді салтанатты марапаттау рәсімі өтті. Байқау жеңімпаздары әртүрлі номинациялар бойынша анықталды. «Сатып алулардағы жергілікті құрамның үлесі» аталымында «ҚТЖ» ҰК» АҚ еншілес ұйымы – «Жолаушы тасымалы» АҚ  жеңімпаз деп танылды. 

2015 жылдың қорытындысы бойынша, «Жолаушылар тасымалы» АҚ-ның жергілікті мазмұн үлесін сатып алудағы көлемі  – 91% құраған. Бүгінде Акционерлік қоғамның компаниялар тобымен 116 бағдар бойынша  жолаушылар тасымалы жүзеге асырылып, осы тасымал процесінің үздіксіз және қауіпсіз орындалуына шамамен 15 мың еңбеккер жұмылып отыр.   Ал байқауда тағы бір «ҚТЖ» ҰК» АҚ еншілес ұйымы –  «Қазтеміртранс» АҚ «Отандық тауар өндірушілермен ұзақмерзімді шарттар» аталымында көш басынан көрінді. Ол ең қомақты қаржы көлеміндегі ұзақмерзімді келісімшарттар жасасып, отандық тауар өндірушілерге қолдау білдіріп отырған үздік тапсырыс беруші ретінде танылды.  Байқауды ұйымдастырушылар, конкурс жеңімпаздарының сатып алуларға жасалған мониторинг нәтижелері және қатысушыларға жүргізілген сауалнамалар негізінде іріктелгенін мәлімдеп отыр. Әсіресе, жеңімпаздарды іріктеу барысында, сатып алу қызметінің тиімділігі мен  келісімшарттардың орындалу сапасына басымдық беріліпті. Сонымен бірге, бағалау критерийлеріне қатарынан  сатып алуларды тиімді жоспарлау, процедуралар саны, яғни, сатып алулардың бұзылмауы, тағысын тағы көрсеткіштер есепке алынған. Сонымен қатар, форум шеңберінде 10 млрд теңгеге келісімшарт жасалып, төрт тапсырыс беруші компания мен 10 отандық тауар өндіруші арнайы келісімшартқа қол қойды. Соның қатарында «Қазақстан темір жолы» ұлттық компаниясы» акционерлік қоғамы «Қазақстандық технологиялық пайдалану орталығы» ЖШС-мен екі жылға, вагон баяулатқыштарды жеткізуге 397 858 140 теңге көлеміндегі қаржыға келісімшарт жасасты. «Атамекен» ҚР Ұлттық кәсіпкерлер палатасының бастамасымен биыл екінші рет өтіп отырған форуммен қатар «Көрме» орталығында «Қазақстанның үздік тауары» көрме-байқауы өтіп, оған аймақтық байқауларда топ жарған 145 компания қатысты. Жүзден жүйрік шыққан кәсіпорындар қатарынан  «Ақтөбе рельс-арқалық зауыты» ЖШС табылып, темір жол саласына қажетті өнім – рельс үлгілерін көпшілік назарына ұсынды. Бұл форумның мақсаты, отандық тауар өндірушілер мен оларды тұтынушылардың арасында өзара байланысты жақсарту, олардың өзара әрекетттесе отырып, жұмыс істеун күшейту, сондай-ақ, ынтымақтастыққа қатысты өзекті мәселелер бойынша бизнес ұстанымын жасау болып отыр. Ең бастысы, Қазақстан Республикасы Президенті Нұрсұлтан Назарбаев тарапынан ұсынылған, «Ұлы дала елі» біртұтас қазақстандық брендін қалыптастыру, аталған шараның негізгі идеясы болып табылуда. Сөз орайы келгенде, «Ұлы дала елі» отандық тауар өндірушілердің ІІ форумы Қазақстан кәсіпкерлерін қолдауға бағытталғанын атап өтер едік. Оның жарқын көрінісін, форумға қатысушылардың сұрақтарына белді тұлғалардың жауап беріп,  В2В сипатындағы кездесулердің өтуінен байқауға болады. Форумда бизнестің табысты өркендеуіне жол ашатын ұзақмерзімді келісімшарттарға қол қойылды. Ұзақ мерзімге арналған шарттардың мәнісі сол,  өндірісті жаңғыртып, компаниялардың инвестициялық тартымдылығын арттыруға мүмкіндік туып, несиеге қолжетімділік жақсармақ, сондай-ақ, қосымша өндіріс желілері іске қосылады. «Ұлы дала елі» брендін қолдану құқығы жыл сайын, Қазақстан брендін халықаралық ауқымда алға жылжытуға ден қойған, үздік отандық тауар өндірушілер мен қызмет көрсетушілерге табысталатын болады. Демек, бұл шара ірі, орта және шағын бизнес өкілдеріне сапалы өнімдер мен қызметтерді «Ұлы дала елі»  бренді аясында біріктіруге, ел абыройын асқақтатуға мүмкіндік береді. Бір жағынан бұл, жеңімпаздарға қосымша мүмкіндіктер мен жеңілдіктер ұсынылатынын ескерсек, тауар өндірушілерге қозғау салып, ынталандырады, екінші жағынан, Қазақстанның халықаралық ортадағы беделін өсіре түседі.

Ислам ТАЛҒАТ, Кемел МАРАТ, Астана

Жаңалықтар
14.03.2025
ЕАЭО темір жол көлігі саласындағы интеграциялық процестерді тереңдетуде
Жаңалықтар
14.03.2025
ҚТЖ басшылығы Атырау – Орал учаскесін тексерді
Аймақтар
14.03.2025
Мақсат Қалиақпаров Павлодар өңірінің тұрғындарымен кездесті
Аймақтар
14.03.2025
Маңғыстаулық теміржолшылар Амал мейрамын атап өтті (Фото)
Жаңалықтар
14.03.2025
Достық - Мойынтының тағы бір учаскесінде екінші жол бойынша пойыздар қозғалысы ашылды
Спорт
14.03.2025
Шахмат – тамаша ойын
Жаңалықтар
14.03.2025
Теміржолшылар «Наурызнама» жалпыұлттық онкүндігіне қосылды
Трансформация
14.03.2025
Техникалар паркі кезең-кезеңмен жаңаруда
Цифрландыру
14.03.2025
Кадрдың қадірі артуда
Инфрақұрылым
14.03.2025
Вокзалдар – үкімет назарында
Жаңалықтар / Мұрағат
14.03.2025
Қазақстан теміржолшысы газеті, №19 14 наурыз 2025 жыл
Жүк тасымалы
13.03.2025
Транскаспий дәлізі бойынша контейнерлік тасымал 2,7 есе өсті
Жаңалықтар
13.03.2025
Қазақстан мен Ресей «Солтүстік – Оңтүстік» көлік дәлізін дамыту мәселесін талқылады
Инфрақұрылым
13.03.2025
Қызылорда өңірінде 50 шақырым темір жолы күрделі жөндеуден өтеді
Жаңалықтар
13.03.2025
ҚТЖ-да өткен "Сенімді тұлға"форумына 200-ден астам адам қатысты
Аймақтар
13.03.2025
Маңғыстаулық нәзікжандылар марапатталды
Аймақтар
13.03.2025
Әйелдер қауымына құрмет көрсетілді
Аймақтар
13.03.2025
Ерекше форматтағы мереке
Аймақтар
13.03.2025
Мереке иелеріне құрмет көрсетілді
Жаңалықтар
13.03.2025
Джип көлігі Медеу – Жетісу аралығында жолаушылар пойызының жолын жауып тастады