Қарағанды облысында рельстерді қосу тетіктері ұрланды
Қарағанды локомотив пайдалану депосының бригадасы вагондардың жолдан шығып кету қаупін анықтады. Осы жылғы мамырдың 31-де мамырында машинист Фархад Нүсіпов пен оның көмекшісі Азамат Аман жүк пойызымен келе жатып, Қарағанды ЖТ бөлімшесінің Көкпекті-Қарағайлы учаскесінде рельстер жапсырмаларының (рельстерді өзара қосуға арналған элементтер) жоқ екенін байқап,шұғыл тежеуішті басқан. Осылайша теміржолшылар ұқыптылық пен қырағылықтың арқасында апатты жағдайдың алдын алды. Бұл локомотив бригадасы деподағы жас әрі болашағы зор бригадалардың бірі. Фархад Нүсіпов 31 жаста. Еңбек жолын машинист көмекшісі болып бастаған маманның темір жол саласында еңбек етіп жүргеніне он жылдан асты. Пойыздарды өзі жүргізе бастағанына жылға жуық уақыт болды. Ал, көмекшісі Азамат Аман 25 жаста. Теміржол колледжін бітіргеннен кейін үш жылдан бері депода жұмыс істейді. «ҚТЖ» ҰК» АҚ рельстер мен темір жол бөлшектерінің ұрлануы түрлі апаттарға әкеп соқтыратынын, компанияға имидж тұрғысынан нұқсан келтіріп, шығынға ұшыратанынын ескертеді. Әлбетте, баукеспелік жазасыз қалмайды