Аңызға айналған «Паровоз-апа» өмірден өтті

Ел –жұрт «Паровоз-апа» деп атап кеткен Ұлы Отан соғысының ардагері Алтынай Есболатова 99 жасында дүниеден өтті, деп хабарлайды Rail-news.kz. Ол машинист ретінде бүкіл Қазақстанды аралап шыққан. «Паровоз-апа» деген лақап ат сол ерлігі мен еңбегі үшін берілген. Алтынай Есболатова майданға 19 жасында жүргізуші көмекшісінің курсынан кейін аттанған. 9 мамыр жеңіс күні Франкфуртта еді. Алматы облысына тек 1946 жылы оралыы, теміржолда жұмысын жалғастырды. Кейуана Алматы облысы бойынша екінші дүниежүзілік соғысқа қатысқан көзі тірі жалғыз әйел болатын. Ерлігі мен батылдығы үшін Алтынай Есболатова көптеген медальдармен марапатталды, соның ішінде І дәрежелі Отан соғысы орденімен, «Сталинградты қорғағаны үшін», «Қырымды азат еткені үшін», «Германияны жеңгені үшін» медальдарын кеудесіне таққан.