Қазақстандық өкілдер Ресейдегі заманауи локомотив өндірісінің қыр-сырымен танысты
«Қазақстан теміржолшысы» газетінің тілшісі
Тамыз айында Ресей астанасы Мәскеуде «Pro//Движение, Экспо-2021» мерейтойлық 50-ші техника және технологиялардың Халықаралық теміржол салоны өтті, деп хабарлайды Rail-news.kz. Іскерлік бағдарламаның басты тақырыбы технологиялардың өзгеруі, яғни трансформациясы және жаңа экологиялық ойлау болды. Көрмеге қатысқан «Қамқор Локомотив» ЖШС бас директоры Мұрат Әміров, бұл теміржол машинасын жасаудың жаңа әзірлемелерімен танысу және бизнес кездесулер өткізу үшін жаңа мүмкіндік болғанын айтады. Қазақстандық компания өкілі ретінде қатысқан Мұрат Әміров көрме аясында бірқатар іскерлік кездесулер өткізіп, «Синара – көліктік машиналар» холдингі, «Трансмашхолдинг» АҚ, «Электромашина» СҮ, «Ғылыми-өндірістік өнеркәсіптік технологиялар орталығы» ҚБ, «Жаңа лазерлік технологиялар» ЖШҚ сияқты Ресей теміржол саласының ірі кәсіпорындарының өкілдерімен ынтымақтастықты дамыту туралы перспективаларды талқылады.