Кедендік кодекс келісімі транзитті жеңілдетеді

Жаңалықтар

17.01.2017, 16:53

Өткен жыл соңында Ресейдің Санкт-Петербор қаласында қол қойылған Еуразиялық экономикалық одақтың Кедендік кодексі туралы келісім темір жолдағы тасымалға оң септігін тигізеді деп күтілуде. Арнайы құрылған сарапшылар тобының жұмысына «ҚТЖ» ҰК» АҚ өкілдері де белсене атсалысқаны белгілі. 2016 жылдың 26 желтоқсанында ЕАЭО-ға мүше мемлекеттердің басшылары қол қойған Одақтың Кедендік кодексі туралы Келісім 2017 жылдың 1 шілдесінде күшіне енеді деп жоспарлануда. Жаңа құжат үш жыл жасалды. Алғаш рет бұл процеске тек мемлекеттік органдардың өкілдері ғана емес, сонымен қатар Еуразиялық экономикалық одаққа мүше елдердің бизнес-орталарының сарапшылары да қатысты. Сарапшылар тобы жұмысына Қазақстанның «ҚТЖ» ҰК» АҚ, «KEGOC» АҚ, «ҚазМұнайГаз»ҰК» АҚ, «Филипп Моррис Қазақстан» ЖШС, «Еуразиялық Топ» ЖШС, «Азия Авто» АҚ, «Қазпочта» АҚ, «KAZLOGISTIСS» Көлік тасымалдаушылар одағы және тағы да басқа бизнес-қоғамдастықтары белсенді қатысты. ЕАЭО Кедендік кодексі Еуразиялық экономикалық Одақтағы, сондай-ақ Қазақстан Республикасындағы кедендік реттеуді регламенттейтін базалық құжат болып саналады, сонымен қатар Одақтың құқығын құрайтын негізгі құжаттар қатарына кіреді. Кодекстің негізгі қырлары: электронды кедендік декларациялауға басымдық беру және тек айрықша жағдайларда ғана жазбаша декларациялауды қолдану – бұл Кодекстің негізгі жетістігі, тараптар қағазбастылықтан құтыла алады; кедендік декларацияны және тауарларды шығаруды тіркеумен байланысты кедендік операцияларды кедендік органдардың ақпараттық жүйелерін қолдану арқылы автоматты түрде жасау мүмкіндігі – бүгінде тек санаулы ғана әлем елдерінде іске асыру мүмкін болған бірегей жаңалық; кедендік органға негізге ала отырып толтырылған құжаттарды көрсетпей-ақ кедендік декларацияны беру мүмкіндігі – транзитті декларациялаудан бастап шығарылғанға дейінгі кез-келген процедураның (негізгі қағида – тек электронды декларация ғана, құжаттар тек тәуекелдер жүйесі негізіндегі құжаттар) барлық кезеңдерінде декларациялаудың арыздану мүмкіндігі қарастырылған; кедендік аумаққа тауарларды әкелумен және оларды әкетумен, кедендік декларациялаумен және тауарларды шығарумен байланысты кедендік операцияларды жүзеге асыру кезінде бір терезе тетігін пайдалану. Бұл бірреттік құжаттарды көрсету қағидасы, егер ақпарат мемлекеттік органдардың мәліметтер базасында болса, онда кедендік бақылау кезінде ол көрсетілмейді; алдын ала ақпараттандыруды ұсыну және пайдалану механизмдері қайта қаралды – кедендік органдар ұсынылған ақпаратты бағалауға, оны декларанттың өтініші бойынша әкелу туралы хабарлама, уақытша сақтау, транзит, декларациялау құжаты ретінде пайдалануға міндетті. Алдын ала ақпараттандыру жүйесін енгізу арқылы жүктердің шекара арқылы өту процедураларын шын мәнінде жеделдету және жеңілдету мүмкіндігі туады; транзит кезінде тексерістен өткізу мерзімі қысқарды. Сонымен қатар, басты атап өтер жайт, бір ғана тасымалдау құжаты бойынша мультимодальды тасымалдарды декларациялау мүмкіндігі қарастырылды. Сыртқы экономикалық қызмет қатысушыларына жолда келе жатқан барлық жүктерге бір ғана транзиттік декларация толтыруға мүмкіндік берілді. Бір ғана шарт – барлық артық жүктемелер мен көлік түрлерін ауыстыруға қатысты жеткізу тізбегін ұйымдастыратын, барлық ережелердің орындалуын қадағалайтын жауапты тұлға болуы керек. Бұл «Қазақстан темір жолына» ұлттық операторға айналып, мультимодальды тасымалдарды (т/ж, теңіз, әуе) бір ғана келісім арқылы және бір ғана көлікті құжаттың көмегімен жүзеге асыруға мүмкіндік бермек.

Кедендік кодекс келісімі транзитті жеңілдетеді

Басқа да жаңалықтар

«Қазақстан теміржолшысы» газеті, №99 22 қараша 2024 жыл