Түлкібаста ауа райының қолайсыздығынан жолда қалған жүргіншілер пойызбен жеткізілді

Суретті түсірген автор
Нұрлыбек Досыбай

Түркістан облысы бойынша меншікті тілші

Оңтүстіктің қысы да ара-тұра қыр көрсетіп қоятыны рас. Әсіресе таулы-тасты Түлкібас өңірінде, әйгілі Шақпақ асуында қалың жауған қар мен ақ түтек бораннан биылдыққа 4 рет автожолдар жабылған.

Таңертең жайнап тұрған күн райының көзді ашып-жұмғанша күрт құбылып, айнала әп-сәтте ақ түтек боранға ұласуы – бұл аймақта үйреншікті жағдай. Салдарынан оңтүстік өлкедегі біршама автокөлік жолдары жабылып, тіпті ұшақтардың да ұшып-қонуы шегерілгені бар. Мұндайда жолаушылар ағыны теміржолға лап қояды. Сондықтан көпжылдық тәжірибеге сүйенетін түлкібастық теміржолшылар жағдайға тастүйін дайын отыруды әдетке айналдырған.

Өткен аптада «Алматы-Шымкент-Ташкент-Термез» автожолының Түлкібас ауданына қарасты Машат пен Жамбыл облысы аумағындағы Шақпақ ата асуында бірнеше күн төтенше жағдай орнады. Ақтүтек боран асуда жүздеген автокөліктерді қаңтарып, автобустардың жолаушылары Түлкібас станциясына тасымалданып, сол жерден пойыздарға отырғызылды.  

«Биылғы қыстың өзінде әлгі екі асудағы қозғалыс 4 рет жабылды. Бұл соңғы жылдардағы рекордтық көрсеткіш болды. Желтоқсан айында жолда қалған 200-ден астам, ал қаңтар айында «Шымкент-Тараз» бағытында 83 жолаушыны қарсы алып, діттеген жеріне жетуіне көмектестік. Олардың кейбірінде қаражаты тұрмақ, құжаты да жоқ болды. Біздің қызметкерлер оларға ыстық шәй мен жылы-жұмсағын беріп, тіпті билетін әперіп жолға салды. Алғыстарын айта-айта аттанды», – дейді Түлкібас вокзалының бастығы Бауыржан Рысқұлбеков.  

Өткен аптадағы табиғаттың осындай «тосын сыйында» Түлкібастан пана тапқан бір топ азамат вокзал қызметкерлеріне деген алғысын жеткізуді бізге де аманаттап еді. Олар күндізгі және түнгі ауысымдағы вокзал қызметкерлері Жазира Жарылғапова мен Нағима Қаржаубаева, Манзура Әзімқызы мен Ақмарал Дауылбаева және Тойлыбай Тұрсынәлиевтің міндетін мінсіз орындаудағы адал бейнеті мен қонақжай пейіліне тәнті болғандарын жеткізді.  

 

Жаңалықтар
15.04.2024
ҚТЖ арнайы техниканы су тасқыны болған аймақтарға жеткізуді жалғастыруда
Жаңалықтар
15.04.2024
Жыл басынан бері 4,7 млн тоннадан астам мұнай өнімі тасымалданды
Жаңалықтар
15.04.2024
Су басқан аймаққа Түркістан өңіріндегі теміржолшылар да атсалысуда
Аймақтар
15.04.2024
Талас станциясынан 24 арнайы ауыр техника тиеген құрам жолға шықты
Жаңалықтар
15.04.2024
Су тасқыны кезінде 21 мыңға жуық адам ҚТЖ пойыздарымен тасымалданды
Аймақтар
15.04.2024
Ақтөбеге ауыр техникалар келді
Аймақтар
15.04.2024
Қызылордадан БҚО-ға жүк пойыздарына тиелген 106 арнайы техника жөнелтілді
Аймақтар
15.04.2024
Атыраулық теміржолшылар су тасқынына қарсы жұмыстарға атсалысып жатыр
Жаңалықтар
13.04.2024
Қазақстан теміржолшылары жаппай сенбілік өткізді
Жаңалықтар
13.04.2024
Ұлттық тасымалдаушы тағы үш қосымша пойыз тағайындайды
Жаңалықтар
13.04.2024
ҚТЖ пойыз билеттерінің құнын бұрынғы деңгейде сақтайды
Аймақтар
12.04.2024
Маңғыстау станциясынан Атырауға техника, құрал-жабдықтар жөнелтілуде
Жаңалықтар
12.04.2024
Су тасқыны: техникалар ҚТЖ пойыздарымен тасымалданды
Қауіпсіздік
12.04.2024
Жол бойындағы төрт түлік жолаушылардың өміріне қауіп төндіріп тұр
Темір жол тарихы
12.04.2024
Қазақ темір жолының 120 жылдығына орай көрме өтті
Жүк тасымалы
12.04.2024
Жүктерді темір жол көлігімен тасымалдау бірінші тоқсанда 2,4% өсті
Жаңалықтар / Мұрағат
12.04.2024
«Қазақстан теміржолшысы» газеті, №32 12 сәуір 2024 жыл
Қауіпсіздік
12.04.2024
Темір жолды белгіленбеген жерден кесіп өткен 11 мыңнан астам азамат әкімшілік жауапкершілікке тартылды
Аймақтар
12.04.2024
Атырауда методикалық сабақ өтті
Жаңалықтар
12.04.2024
Вокзал маңы абаттандырылады