Жолаушы мен жолсерік қуанышы (Видео)

Суретті түсірген автор
Ардақ Ерубаева

Ақтөбе облысы бойынша меншікті тілші

Астана мен Ақтөбе арасына қатынайтын қосымша пойыз жолаушыға жасалған тәуір сыйдың бірі болды. Алғыс жаудырған жолаушы сөзіне жолсеріктер де марқайып жүр. Отандындық “ЗИКСТО” зауытынан шыққан жаңа вагондар мен қызмет көрсету сапасын көзбен көріп, перроннан арнайы репортаж жасадық.  

“Жолаушылар тасымалы” АҚ 4 маусымнан бастап, жазғы маусымдағы сұранысты реттейтін Астана мен Ақтөбе арасына №257/258 жолаушылар пойызын іске қосты. Жазғы демалыс кезінде араға 4 күн салып жолға шығатын пойыз жолаушыларға қолайлы мүмкіндік туғызды. Тасымал және қосымша пойыз туралы пікір сұрағанымызда әр жолаушы әңгімесін алғыстан бастады.  

«Қуаныштымыз. Ең бірінші билетті қиналмай таптық. Пойыз тікелей Ақтөбеден шыққан соң жолымыз қысқарды. Бала-шағамен Астанаға демалысқа бара жатырмыз»,-деді Жәнібек есімді жолаушы.  

Перрон толы жүздері бал-бұл жанған балалар. Жасөспірімдердің ата-анасымен демалысқа шыққаны көрініп-ақ тұр.  

“Анашым, Астанаға бір ұйықтағанда жетеміз бе?” деген балақай сөмкесін зырғытып, вагонға қарай шауып бара жатыр.  

«Жолаушыларға осындай жағдай жасап жатқан компанияның барлық қызметкерлеріне алғыс айтамыз. Вагондар керемет. Жайлы. Ішінде бәрі бар. Әр вагоннан телефон қуаттауға болады. Ауа реттегіші бар. Таза»,- деді жолаушы Мәрзия апай.

Жолсеріктер жолаушыларды жылы қарсы алып, орындарын көрсетіп жүр. Жаңа вагондардың жайлылығы жолаушылармен қатар жылжымалы құрам қызметкерлерінің де оң бағасына ие болған.

«Ақтөбе бөлімшесінің жолсерігімін. Ақтөбе мен Нұрлы жол вокзалын байланыстырамыз. Купе, плацкарт вагондарымыз бар. Бәрі де жайлы. Қызмет көрсету сапасына жасалған қолдауды біз де сезіп жатырмыз»,- деді жолсерік Айман Кенжеғалиева.  

Жолаушылардың жайлылығын қамтамасыз ету мақсатында вагондарда ауаны баптау қондырғысы, ауа тазарту сүзгілері, түтін датчиктері, бейнебақылау камерасы, арнайы желіге жалғанған теледидар, ыстық және салқын су, тоңазытқыш, қысқа толқынды пеш, биодәретханалармен қамтамасыз етілген. Әр купеде тоқ көздері мен USB қосқыштар бар.  

«Бұл пойыз компанияның сұранысқа ие бағыттарды пайдалануға енгізіп, тасымал сапасын арттыруға жасалған жұмыс нәтижесінің көрінісі. Пойыз құрамында алғашында 12 вагон болу керек еді. Сұраныстың жоғары болуына байланысты 16 вагон шығарылды. Оның ішінде 8 купе, 8 плацкарт вагон. Бәрі де отандық “ЗИКСТО” зауытынан шыққан, жаңа. Халыққа қызмет көрсетуге ыңғайлы. 26 жолсерік қызмет көрсетуге дайын»,- деді №257/258 жолаушылар пойызының бастығы Алтай Сексенбаев.

Астана мен Ақтөбе арасында тікелей байланыс ұзақ уақыттан бері болмады. Жергілікті тұрғындар Орал-Астана, Атырау-Астана бағытындағы пойыз қызметтерін пайдаланды. Сонымен қатар, “Жолаушылар тасымалы” АҚ сұранысқа орай биыл қысқы каникул кезінде, наурызда қосымша пойыз қызметін іске қосқан еді.  

«Тікелей пойыз болғандықтан Астана қаласына 24 сағатта жетеді. Билеттер түгел сатылып кетті. Сондықтан қосымша вагондар қосылды. Вагондарда бейнекамералар бар. Оның қауіпсіздіктің сақталуына ықпалы зор. Бұл жаңартулар жолаушылар тасымалының сапасын айтарлықтай жақсартатыны сөзсіз. Қазір жолаушылардан алғыс жиі түседі. Арнайы сайт арқылы, жазбаша түрде айына 10-15 хат келеді»,- деді “Жолаушылар тасымалы” АҚ Батыс аймақтық филиалы директорының орынбасары Бақытжан Жалбаков.

Астана-Ақтөбе және Ақтөбе – Астана бағыты бойынша қосымша пойыз жазғы демалыс маусымына орай екі ай бойы тасымал қызметін ұйымдастырады.  

Пойыз жолаушыларға 4 шілдеден 2 қыркүйекке дейін қызмет көрсетеді.  

Жөнелту уақыты Ақтөбеден шілдеде 4, 8, 12, 16, 20, 24, 28-і күндері, тамыз айы бойынша 2, 6, 10, 14, 18, 22, 26, 30-ы күндері шығады.  

Ал Астанадан «Нұрлы жол» вокзалынан шілдеде 6, 10, 14, 18, 22, 26, 30-ы күндері, тамызда 4, 8, 12, 16, 20, 24, 28-і және 1 қыркүйекте шығады.

Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды