Манкентте жұмыс тоқтаған жоқ

Жансая Сыдықбай

Шымкент қаласы бойынша меншікті тілшісі

Сайрам ауданы – Шымкент іргесіндегі халық тығыз орналасқан елді мекен. Ал Манкент станциясы аталған ауданның қақ ортасын кесіп өтеді. Жыл басынан бері тарам-тарам теміржолдар арқылы тиеліп-түсіріліп жатқан жүк құрамдары бұл күнде саябырсыған.

Бірақ тоқтаған жоқ. Станциядан қаңтар айында 11 мың тоннаға жуық жүк артылса, ақпан айында 8 мың тонна, наурыз айында 13 мың тонна жүк тиелді. Көріп отырғанымыздай, карантин уақыты басталған наурыз айында Манкент станциясының күнделікті жұмысы жоспарға сай атқарылып, тіпті артық жүк тиелген.

Наурыз айында Манкент бойынша 187 вагон бидай, 8 вагон ұн, 233 вагон бензин, 52 вагон сусын, 31 вагон цемент, 120 вагон газ, 5 вагон кондитерлік өнім, 27 вагон көмір, 3 вагон битум, 111 вагон дизельдік жанаржағармай, 15 вагон автомобиль, 1 вагон селитра, 3 вагон тыңайтқыш, құрғақ қоспалар 3, 5 вагон су, барлығы 1023 вагон жүк тиеліп, жан-жаққа жөнелтілген.

Дегенмен, сәуір айында ұн, бидай, жарма өнімдерінің экспортына үкіметтің тапсырмасына орай шектеу енгізіліп отырғаны белгілі.

– Өзіңіз білесіз, қазір елімізде коронавирус індеті шыққалы тазалық пен сақтық шараларын күшейттік. Біздің Сайрам ауданынан 2 адам осы індетпен тіркелді. Сондықтан, аудан халқы барынша сақ болуымыз қажет. Себебі, адам өмірі мен денсаулығынан қымбат ештеңе жоқ. Бұл індетпен ел болып жабыла күрессек қана жеңеміз. Ұжымдағы 26 қызметкер де күнделікті өзіне жүктелген міндеттерін талапқа сай аса сақтықпен атқаруда. Алайда, қашықтан жұмыс істеуге ешқайсысы жіберілген жоқ. Барлық қызметкерлеріміз өз жұмыс орнында. Қазіргі кезде 4 жұмысшы еңбек демалысында. Коронавирус індетінің шығуына байланысты барлық техникалық оқу-жаттығулар кейінге қалдырылды, - деді станция басшысы Алимхан Исаханов.

Манкент станциясында әр жұма сайын дезинфекция жасалады. Кіреберіске орнатылған антисанитайзер мен басқа да тазалыққа кепіл болатын қолғаптар, антисептиктер алынған. Жұмыста маскалық режим тәртібі қатаң орнатылған. Теміржол үшін қауіпсіздік басты орында. Осыған орай, ұдайы өткізіліп тұратын техникалық сабақтарға станциялықтар бұрығыдай жиналмай, әркім өз бетінше, үйлерінде оқып жатыр екен. 

Жаңалықтар
10.05.2025
Павлодарлық теміржолшылар ардагерді Жеңіс күнімен құттықтады
Жолаушылар тасымалы
09.05.2025
Астанадан Жеңіс күніне арналған тақырыптық пойыздар жолға шықты
Аймақтар
08.05.2025
Жамбыл жол бөлімшесі ҰОС ардагерін құттықтады
Жаңалықтар
08.05.2025
ҚТЖ Ұлы Отан соғысы ардагерлерін құттықтады
Темір жол тарихы
08.05.2025
Соғыс салған жара. Тұщыбектегі тағзым ескерткішінің тарихы
Темір жол тарихы
08.05.2025
Жамбыл теміржолшыларының ерлік жолы
Темір жол тарихы
08.05.2025
Соғыс жылдарындағы шойын жол шежіресі
Темір жол тарихы
08.05.2025
Сұрапыл жылдар шындығы
Жолаушылар тасымалы
08.05.2025
ҚТЖ жазғы кезеңде қосымша бағыттарды іске қосады
Мұрағат / Жаңалықтар
08.05.2025
«Қазақстан теміржолшысы» газетінің 2025 жылғы 8 мамырдағы арнайы саны
Жаңалықтар
06.05.2025
«Нұрлы жол» вокзал кешенінде Жеңістің 80 жылдығына орай ағаш отырғызылды
Жолаушылар тасымалы
06.05.2025
«Keruen Express» туристік пойызы сапарға аттанды
Жаңалықтар
06.05.2025
«Батырлар ұраны» шырқалған кеш
Аймақтар
06.05.2025
Семейде өрт сөндіру пойызы қоймадағы өртті өшірді
Спорт
06.05.2025
Семейлік теміржолшы жүзден жүйрік шықты
Темір жол тарихы
06.05.2025
Жеңіс рухын сөндірмеген Қызылорда алауы
Аймақтар
06.05.2025
Арыстағы «Батырлар аллеясы»
Спорт
06.05.2025
Машинистер сайысы
Темір жол тарихы
06.05.2025
Майданға тартылған мұнай жолы
Қауіпсіздік
06.05.2025
Теміржолдағы тәртіп – адам өмірінің кепілі