Коммерциялық пойыздар жолға шығады

Жазғы маусым қарсаңында халықтың сұранысын қанағаттандыру үшін «Жолаушылар тасымалы» АҚ «Тальго» вагондарынан құралған төрт коммерциялық пойызды іске қоспақ. Мәселен, 1 маусымнан бастап «Нұр-Сұлтан-Нұрлы жол-Атырау» бағытындағы №19/20 пойыз күн сайын Нұр-Сұлтан-Нұрлы жол станциясынан тақ сандар бойынша, Атырау станциясынан жұп сандар бойынша жөнелтілетін болса, «Алматы-2-Нұр-Сұлтан-Нұрлы жол» бағытындағы № 701/702 пойызы күн сайын қатынайды. Ал 2 маусымнан бастап Нұр-Сұлтан-Нұрлы жол станциясынан «Нұр-Сұлтан-Нұрлы жол-Орал» бағытындағы №95/96 пойызы Нұр-Сұлтан-Нұрлы жолдан жұп сандар бойынша, Орал станциясынан тақ сандар бойынша шығатын болады. Сондай-ақ, 3 маусымнан бастап «Алматы-2-Түркістан» бағытындағы № 71/72 пойыз Алматы-2 станциясынан тақ сандар бойынша, ал Түркістан станциясынан жұп сандар бойынша қатынайтын болады. Ұлттық тасымалдаушы компания жолаушыларға жол жүру құжаттарын онлайн, соның ішінде BILET.RAILWAYS.KZ ресми сайты арқылы рәсімдеуге кеңес беріп, коронавирустық инфекцияның таралуы кезеңінде санитарлық-эпидемиологиялық талаптарды сақтауды, сонымен қатар, жол жүру барысында өздерімен бірге жеке бас қорғаныш құралдарын (бетперделер, қолғаптар, антисептиктер) алып жүруді сұрайды. Жолаушылар сервистік қызметтердің сапасы бойынша өз ұсыныстары мен шағымдарын бірыңғай тәулік бойы жұмыс істейтін «1433» байланыс орталығына жібере алады. Осы арада, ескеретін бір жайт, өтінішті жіберген кезде сапар күнін, пойыздың, вагонның және орынның нөмірін, сондай-ақ кері байланыс үшін байланыс құралын көрсетуі қажет. Ал пойыздар қозғалыс кестесі туралы барлық ақпаратты «105» анықтама қызметінен алуларына болады.