Бард әншілер байқауында атыраулық теміржолшы жүлделі болды

ҚТЖ келбеті
11.09.2023, 11:22
Суретті түсірген автор
Ардақ Ерубаева

Ақтөбе облысы бойынша меншікті тілші

Ақтөбеде өткен Табылды Досымов атындағы бард әншілер байқауында атыраулық теміржолшы жүлделі орын алды. Ақжайық белгі беру және байланыс дистанциясының қызметкері бірнеше танымал ақындардың өлеңіне ән жазған. 

Атырау қаласы Ақжайық белгі беру және байланыс дистанциясы автоматтандыру-басқару саласы бойынша техникалық құжаттар инженері Ержан Сағымбаев сенбіде өткен бард әншілер байқауына қатысты. Қазақтан шыққан тұңғыш бард ақын Табылды әндерінің кешінде өнер көрсеткен теміржолшы көрерменнің көзайымына айналды. Онымен бірге ән шырқап, қошеметке бөленді.

– Өнерге бала кезден жақынмын. 5-6 сыныпта жүргенде Табыл ағамыздың әндерін дискіден естіп, қатты қызығып өстім. Бәрі гитара тартуды үйренуден басталды. Табыл ағамыздың барлық әнін жатқа білемін. Өнерге дипломсыз талпынғандардың бірімін. Байқауларға қатысып көрген жоқпын. Бұл – менің өнер саласындағы алғашқы байқауым. Тек кештерде, концерттерде ғана ән салып жүрмін. Табыл ағамыздың жерлесімін, сол Индер ауылынанмын, – деді теміржолшы қазақтың заманауи жырауының жерлесі екенін айтып.  

Атыраулық теміржолшы қазаққа бардтық стильді әкелген Табылды Досымовтың әндерін нақышына келтіріп орындады. Т.Досымовтың «Биіктік», «Қазақ едім дегенше», «Ақ дидарың-ай сенің, ақ дидарың-ай!» әндерін айтқанда көпшілік бірге қосылды. Байқауға қатысқан теміржолшы ән жазу өнерінің барын да айтып қалды.  

– Әндерім саусақпен санарлықтай ғана. Ершат Қайболдин, Ерлан Жүніс секілді ақындардың өлеңдеріне ән шығардым. Бірнеше кеште орындадым, – дейді Ержан Сағымбаев.  

Ержан Ақжайық белгі беру дистанциясында 2020 жылдан бері еңбек етеді. Теміржол көлігіндегі автоматтандыру және басқару мамандығын бітірген жас маманға жұмыс табу қиынға соқпаған. Таңдаған кәсіптің иесі атанған маман болашақта өнерін де қатар шыңдамақ.

Жаңалықтар
30.07.2025
"ҚТЖ" ҰК" АҚ және TCDD Taşimacilik A.Ş. Орта дәлізді дамыту жөнінде келісті
Инфрақұрылым / Әлеумет
30.07.2025
Ірі құрылыс жобалары 12,8 мыңнан астам адамды жұмыспен қамтып, өңірлер экономикасына серпін беруде
ҚТЖ келбеті
30.07.2025
Ерлік емей, немене?!
ҚТЖ келбеті
30.07.2025
Әке жолын жалғаған ұл
ҚТЖ келбеті
30.07.2025
Талабыңа нұр жаусын, Ержан!
Жаңалықтар
30.07.2025
ҚТЖ жүк тасымалының өсуіне байланысты машинист көмекшілерін қабылдауды ұлғайтты
Жолаушылар тасымалы
30.07.2025
«Астана – Бурабай курорты» бағыты бойынша қосымша электр пойызы іске қосылды
Жаңалықтар
30.07.2025
ҚТЖ мен Мерсин халықаралық порты Орта дәлізді дамыту аясындағы ынтымақтастықты талқылады
Жолаушылар тасымалы
29.07.2025
“Алматы-3” теміржол вокзалының құрылысы: Жоба қай кезеңде?
Жаңалықтар / Апта саны
29.07.2025
ҚТЖ-да қозғалыс қауіпсіздігін бұзу 4% қысқарды
Жолаушылар тасымалы
29.07.2025
Жолаушылар тасымалы жартыжылдық жұмысын қорытындылады
Сұхбат
29.07.2025
Қырықбай ӘЛСЕЙІТҰЛЫ: Теміржол саласында тағы бір жарқын кезең басталды
Станция тынысы
29.07.2025
Сағыз станциясы – құрылыс жүктерінің күретамыры
Инфрақұрылым
29.07.2025
Ақтөбе облысында жеті вокзал жөнделіп жатыр
Аймақтар
29.07.2025
Қырағылық – кәсібилік белгісі
Аймақтар
29.07.2025
Маңғыстау магистральдық желісінде 17 нысанға жөндеу жұмыстары жүргізілуде
Әлеумет
29.07.2025
Елордаға саяхат
Жаңалықтар / Мұрағат
29.07.2025
Қазақстан теміржолшысы газеті, №57-58 29 шілде 2025 жыл
Спорт
28.07.2025
ҚТЖ-ның «Railways team» командасы «Summer Relay 2025» жарысында жүлдегер атанды
ҚТЖ келбеті
28.07.2025
Сайыс өте қызық әрі қиын болды – Жасұлан Смағұл