Жұмысына адал жұлдыз

ҚТЖ келбеті
08.03.2024, 13:04
Суретті түсірген автор
Қуаныш Қожаев

Абай облысы бойынша меншікті тілші

Семей ЖТ бөлімшесі бойынша «Солтүстік тармақ» аталатын Семей – Локоть теліміндегі пойыз қозғалысы тым жиі. Сондықтан да ондағы қозғалыс қауіпсіздігін қамтамасыз ететін теміржолшылар қауымына қырағылық аса қажет. Осы ретте аталмыш телім бойындағы Дүйсекен станциясындағы теміржол өткелінің кезекшісі Жұлдыз Есенованың қызметі еселі.

Түрксіб бойында, әйгілі Жарма өңірінде өмірге келген Жұлдыз Оразханқызы бүгінде отбасымен бірге теміржол саласында еңбек етіп келеді. Жұбайы Оралбек пен күйеубаласы ПЧ-39 мекемесінің білікті жолшылары. Ал өзі Дүйсекен станциясындағы өткел кезекшісі қызметін ойдағыдай атқарып келеді.  

– Теміржол өткелі – қауіптілігі аса жоғары нысан. Әсіресе түнгі ауысым барысында аса қырағылық керек. Әсіресе көлік жүргізушілерінің теміржолдан өту ережесін жиі бұзатынын ескерсек, қатердің аяқ астынан болуы ықтимал. Жалпы пойыз қозғалысының қауіпсіздігін сақтау үшін қатаң тәртіп пен сақтық, кәсіби біліктілік қана емес, осынау жолдағы өз мамандығыңа деген сүйіспеншілік те қажет. Сонда ғана өз қызметіңді мүлтіксіз атқарып, жұмыс орнында өткізген уақыт бақыт әкеледі, – дейді Жұлдыз Оразханқызы.  

Жұлдыз ауысыммен жұмыс істейтіндіктен тәуліктің тең жарымын, өткел басында, пойыздар мен автокөлік тер ағынының арасында өткізеді. Жаздың аптабы мен қыстың аязында темір жолдың ортасында еңбек етудің қаншалықты машақат екенін жақсы біледі. Қызметтегі жауапкершілік орасан, мүлт кетуге болмайды. Сондықтан мереке күндерін де ұмытуға тура келетін кездер жиі болады.  

– Қызығы мен шыжығы мол бұл жұмыстан денсаулығын күйттеп бас тартып жататындар да бар. Ал қызмет барысында кездесетін сан түрлі қиындыққа мойымаған Жұлдыз Оразханқызы жайында көп нәрсе айтуға болады. Әсіресе жұмысына адалдығы жан сүйіндіреді. Теміржол өткелінде күндіз де, түнде де еңбек етуге үлкен төзім керек. Бұл ретте әйелдердің осынау жұмысын ерлікке теңер едім, – дейді Семей жол дистанциясының бас инженері Мырзабек Керейбаев.  

Қазіргі күні аға буын өкіліне айналған өткел кезекшісінің қызмет барысы жайлы да айтары мол екен. «Ауысым кезінде бағдаршам мен шлагбаумға сеніп қалуға болмайды. Қауіпсіздікті сақтауда адами фактор бірінші кезекте тұрады» дейді ол. Теміржол өткелінің кезекшісіне пойыздардың жүру кестесін білуі, шлагбаумның жұмыс істеуін бақылауы, ең бастысы техникалық ақаулыққа жол бермей, ұдайы бақылауда ұстауы да керек. Бұл орайда Жұлдыз Оразханқызы еңбек ететін өткел бойында келеңсіз жайттар, жазатайым оқиғалар мүлде тіркелмепті.  

 

Жаңалықтар
31.08.2025
ҚТЖ мен Қытай компаниясы «Бақты – Аягөз» теміржолын талқылады
Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек