Шымкент теміржолында 11 өткелде бейнебақылау орнату қажет

Аймақтар
01.02.2022, 11:40
Жансая Сыдықбай

Шымкент қаласы бойынша меншікті тілшісі

Теміржолда ең басты мәселе – пойыздар қозғалысының қауіпсіздігі. Өткен жылды Шымкент магистральдық желі бөлімшесі апатсыз аяқтады. Дегенмен, қозғалыс қауіпсіздігінің бұзылуына себеп болған бірқатар келеңсіз жайттар тіркелген.

  Оның ішінде жолдың ақауына байланысты қозғалыс қауіпіздігіне нұқсан келген, технологиялық «толаскездің» артық уақыт алуы, бағдаршамның ескертпесіне қарамастан өтіп кеткен жағдайлар орын алды. Әрине, қауіпсіздік мамандары қозғалыс барысында мұндай өрескел қателіктердің болмауын, болған күнде оған алдағы уақытта жол бермеуі үшін қадағалау жұмыстарын күшейтуде.

Жалпы, НЖС-9 бойынша жол шаруашылығы мен белгі беру және байланыс дистанциялары, электрмен жабдықтау дистанци- яларын қосқанда қондырғылардың істен шығуы 78 рет орын алыпты. Шымкент және Арыс жол дистанцияларында шұғыл тоқтау саны 70-ке жеткен, 34 мал басу оқиғасы орын алған.

  «Байқағаныңыздай, жол қауіпсіздігі бойынша 2021 жылы көп дерек тіркелді. Әсіресе жол дистанциясы шаруашылығында қондырғылардың ескіргені байқалады, бұрма бағыттары, рельс тізбектері мен рельстердің ажырауы, сынуы көп кездескен. Темір екеш темір де тозады. Олардың бәрін жолшылар күтіп-баптап ұстағанымен, кейбір техникалар, қондырғылар расында уақыт өте келе қанша күтім жасағанмен жарамсыз болып қалған. Белгі беру-байланыс саласы бойынша өндірістік жұмыстардың кестесі сапасыз атқарылған. Қондырғылар мен байланыс желілерінің көбі мұнда да ескірген. Сондай-ақ, Дарбаза-Сарыағаш, Игілік-Бадам, Арыс, Қызылсай, Күншағыр, Түлкібас, Қорғасын станцияларында орын алған оқиғаларға талдау жасау көбінде жолға шығып қалған адам мен малды қағып кету, бағдаршамды бақыламау, бұрмалардың дұрыс орналаспауы себеп болғаны анықталды», – дейді қауіпсіздік бөлімінің бастығы Нұрбақыт Байыров.

Жол шаруашылығында орын алған 36 кемшілікке ортақ себептер, рельстің арасына қиыршық тастар түсіп кетуі, рельстер ажырап, болттар босап, шаблонмен өлшегенде жолдар арасында алшақтықтар орын алғаны белгілі болды. Қауіпсіздік мамандары теміржолға жақын маңдағы елді мекендердің тұрғындарына ҚР Кодексінің 559-бабы, 1-55-тармағы (ескерту немесе үш АЕК мөлшерінде айыппұл салу) бойынша 2197 ақпараттық парақша таратты. Станцияларда мектеп оқушыларымен, жергілікті тұрғындармен жиындар өткізіп, теміржол арқылы мал жаю және айдап өту ережелермен таныстырды. Желілік полиция қызметкерлерімен бірлесіп өтпелерде жол жүрудің алдын алу бойынша кешенді рейдтер жүргізді.

Н.Байыровтың айтуынша, өткен жылы 22 км мал қоршауын жөндеуді жоспарлаған. Дегенмен қабылданған шаралар қажетті нәтиже бермей отырғанын қынжыла жеткізді.

Сондай-ақ, өткен жылы жол-көлік оқиғасының алдын алу үшін барлық күзетілетін өткелдерге бақылау орнату жайлы әкімдіктерге хат жолданғанымен әзірге ешқандай жауап болмай отырғанын да айта кетті. Қауіпсіздік бөлімі бастығының айтуынша, Шым- кент теміржолы бойынша бес жол өтпесін салу және 11 өткелде бейнебақылау орнату қажет екен.

Жүк тасымалы / Апта саны
20.06.2025
Елімізде теміржол көлігімен астық тасымалдау 54%-ға өсті
Инфрақұрылым
20.06.2025
Биыл 1,5 мың шақырым темір жол жөнделеді
ҚТЖ келбеті
20.06.2025
Талай теміржолшыға ұстаз болған Құнанбаев Қалихан – 80 жаста
Аймақтар
20.06.2025
Арыстық жолшылар ойлап тапқан баспалдақ
Жолаушылар тасымалы
20.06.2025
Алакөл бағытындағы вокзалдарда жолаушыларға қолайлы жағдай жасалды
ҚТЖ келбеті
20.06.2025
Кәсібінен береке тапқан жан
Әлеумет
20.06.2025
Балалар Бурабайға аттанды
Қауіпсіздік
20.06.2025
Вокзалда қауіпсіздік күшейтілді
Аймақтар
20.06.2025
Қызылорда станциясы жоспарды асыра орындады
Жаңалықтар / Мұрағат
20.06.2025
Қазақстан теміржолшысы газеті, №47 20 маусым 2025 жыл
Жаңалықтар
19.06.2025
Президент темір жол қатынасы жүйесін жаңғырту барысымен танысты
Жаңалықтар
19.06.2025
Президент Stadler Kazakhstan зауытына барды
ҚТЖ келбеті
19.06.2025
Өз тіліңе құрметті – өзіңнен баста
Станция тынысы
19.06.2025
Тараз станциясының бүгінгі тынысы
Станция тынысы
19.06.2025
Ақтоғай – теміржол тарландарының мекені
Жолаушылар тасымалы
19.06.2025
"Астана-Бурабай курорты" маршрутына жаңа электр пойызы шығады
Жүк тасымалы
19.06.2025
Қазақстан Еуразиядағы негізгі көлік тораптарының біріне айналуда
Жүк тасымалы
18.06.2025
Қазақстан бидайы контейнерлік пойызбен Вьетнамға экспортталды
Инфрақұрылым
18.06.2025
Теміржол өткелі құрылысына бақылау қатаң
Жолаушылар тасымалы
18.06.2025
Алакөлге осы жазда 240 мың жолаушыны тасымалдау жоспарлануда