Семейлік теміржолшылар мен полицейлер оқушыларға қауісіздік ережелерін түсіндірді
Абай облысы бойынша меншікті тілші
Бүгінде теміржол бойында балалар мен жасөспірімдердің қауіпсіздігі және олардың қатысуымен болатын құқықбұзушылықтың алдын алу өзекті мәселенің бірі. Семейлік теміржолшылар көліктегі полиция қызметкерлерімен бірлесіп, 7-11 ақпан аралығында арнайы акция өткізді.
Басты мақсат – теміржол бойындағы жасөспірімдер қылмысына жол бермеу, жол бойындағы жазатайым оқиғалардың, пойыз терезесіне тас лақтыру сынды бұзақылықтың алдын алу. «Көліктегі қауіпсіздік» акциясы аясында желілік полиция қызметкерлері мен теміржолшылардан құралған топ мектептерде болып, құқықтық тақырыпта, теміржол көлігі объектілеріндегі қауіпсіздік ережелері бойынша дәріс оқып, әңгімелесу өткізді. Тәртіп сақшылары қылмыс- тық іс және әкімшілік кодекстердің нормаларынан мысалдар келтіріп, түсінік жүргізді. Аталған бағыттағы жұмыстар бес орта мектеп пен төрт колледжде өткізілді.
Сонымен қатар, теміржол бойындағы бірқатар еңбек ұжымдарында да арнайы түсіндіру жұмыстары мен дәрістер өткізілді. Оған қоса вокзалдарда да жолаушылармен жүздесіп, бес мәрте жергілікті тұрғындармен жиын ұйым- дастырылды. Мұндай шаралар жолаушылар пойызында да өтті.
Акция барысында ҚР заңнамасын бұзушыларды анықтау бойынша 11 рейдтік іс-шара жүргізіліп, оның барысында 58 әкімшілік құқықбұзушылық фактілері анықталды. Түнгі уақытта жалғыз-жарым жүрген екі кәмелетке толмаған жасөспірім, теміржолдың белгіленбеген жерінен өткен тағы екі бала анықталып, барлық кәмелетке толмаған балалармен және олардың ата-аналарымен теміржол нысандарындағы тәртіп қағидалары бойынша профилактикалық әңгімелер өткізілді.