Атырауда көктемгі сынақ басталды
Атырау облысы бойынша меншікті тілші
Атырау жүк тасымалы бөлімшесінде 4 сәуірден көктемгі комиссиялық байқау басталды. Арнайы құрылған комиссия бүкіл желі бойын аралап, жіті тексеру жүргізеді.
Бөлімше бойынша биылғы жылдың алғашқы тоқсанында пойыз және маневрлік жұмыстарда өндірістік жарақат алу оқиғасы тіркелмеген. Пайдаланым көрсеткіштерін орындау нәтижелері де жоғары. Бұған дейін құрылымдық бөлімдердің өз ішінде көктемгі тексеруге дайындық деңгейі, пойыздық және маневрлік жұмыстардағы ақау, өндірістік жарақат алу жағдайы, қозғалыс қауіпсіздігі, еңбек қорғау және қауіпсіздік техникасы, техникалық құралдардың жағдайы, ғимараттардың жай-күйі, абат- тандырылуы, жұмысшылардың тәртібі қаралғанды. Ол тексерулерде анықталған кем-кетік және арнайы комиссиялық байқау қорытындысы бойынша жиын осы айдың соңына белгіленіп отыр.