Қауіпсіздік инспекторлары – үлкен күш
«Қазақстан теміржолшысы» газетінің тілшісі
Жамбыл жол дистанциясында Еңбек қорғау күніне орай қауіпсіздік инспекторларының еңбегі бағалалнып, марапаттарға ие болды.
Дистанция басшысы Жүнісбек Табулдиевтің айтуынша, мекемеде жұмыс салаларға байланысты 6 телімге бөлінген. Сол телімдерде жұмысшылар арасынан 7 қауіпсіздік инспекторы сайланған. Дүниежүзілік еңбек қорғау күнінде осы мамандарға «Техникалық еңбек қорғау инспекторы» төсбелгісі табысталып және ақшалай сыйлықтарға ие болды. Мақсат – дистанцияның еңбек қорғау инженеріне әр цехтағы қауіпсіздік ережелерінің орындалуын қадағалау арқылы көмектесетін инспекторларды ынталандыру.
- Теміржол – өте қауіпті аймақ екені баршаға мәлім, алайда сол қауіпті аймақта бөгде адамдар ғана емес өз жұмыскерлеріміз де ереже бұзып, қателікке ұрынатыны жасырын емес. Инспекторлар қауіпсіздікті қамтамасыз етуде үлкен күш. Сондықтан, қауіпсіздікке нұқсан келтіретін кемшіліктер жойылып жатса ол алдыамен осы испекторлар жұмысы, - деді дистанция директоры.
Еңбек қорғау инженері Төрехан Садықовтың айтуынша, атаулы күн аясында осы аптаға жоспарланған тағы бір шара – өндірісте жарақат алған бұрынғы қызметкерлердің үйіне барып, жағдай ларымен танысып, қаржылай қолдау көрсету. Олардың бірі Ақыртөбе, екіншісі Құмшағал станцияларында тұрады.