«Кедентранссервис» АҚ Алматы өңірі бойынша бақылау аудитін бастағалы отыр
«Қазақстан теміржолшысы» газетінің тілшісі
«Кедентранссервис» АҚ биыл орталық аппаратта, Алматы қаласы мен Алматы облысы бойынша, сондай-ақ Достық станциясы филиалдарында бақылау аудитін жүргізуді жоспарлап отыр.
Еске сала кетсек, 2021 жылдың соңында сапа жүйе- лерін сертификаттау жөніндегі тәуелсіз халықаралық орган болып табылатын сертификаттау саласы бойынша әлемге танымал және белгілі ұйымдардың бірі TÜV Rheinland Kazakhstan (ТЮФ Рейнланд Қазақстан) ЖШС «Кедентранссервис» АҚ орталық аппаратына және Қоғамның Астана қаласы мен Ақмола облысы бойынша филиалына ISO 9001 халықаралық стандарттарының сәйкестік талаптарын, яғни 2015 сапа менеджменті жүйелері, ISO 14001:2015 экологиялық менеджмент жүйелері, ISO 45001: 2018 Денсаулық сақтау және еңбек қауіпсіздігі менеджменті жүйелері растайтын сертификат берген болатын.
«Кедентранссервис» АҚ-да «Менеджменттің интеграцияланған жүйесін әзірлеу және енгізу» жобасын енгізу 2017 жылы басталды. Содан бері МИЖ-нің негізгі және жүйелік құжаттары тұрақты түрде әзірленіп, қолданысқа енгізіліп келеді.
Сонымен қатар, Қоғамның құрылымдық бөлімшелерінде МИЖ ішкі тексерулері мен аудиттері үнемі жүргізіледі. Әсіресе, компания басшылығы қызмет- керлерді оқытуға көп көңіл бөліп отыр. Мәселен, былтыр Қоғамның орталық аппаратының 10-нан астам қызметкері курстардан өтіп, аудитор сертификатының иегері болды. Ішкі аудиторлар Қоғамның орталық аппаратында жоғарыда көрсетілген стандарттар мен компанияның жергілікті актілерінің, сондай-ақ сыртқы ұйғарым құжаттарының талаптарына сәйкестігіне аудит жүргізді.
МИЖ ішкі аудиттерінің нәтижелері бойынша Қоғамның орталық аппаратында, Астана қаласы, Ақмола облысы және Достық станциясы бойынша филиалдарында үдерістер белгіленген талаптарға сәйкес келетіні анықталып, ал Алматы қаласы және Алматы облысы, Павлодар облысы және Шығыс Қазақстан өңірлік филиалдарында диагностикалық аудит жүргізілді. Оның қорытындысы бойынша түзету іс-қимылдарының жоспарлары әзірленіп, жұмыстар жүргізілді. Ал биыл орталық аппаратта, Алматы қаласы мен Алматы облысы бойынша, сондай-ақ, Достық станциясы филиалдарында бақылау аудиті жүргізілмек.
Компания мамандары, халықаралық стандарттарды енгізудің бірнеше артықшылығы бар екенін айтады. Мәселен, ол компанияның басқару жүйесін жетілдіруге және қызметті басқаруды жүйелеуге, көрсетілетін қызметтердің сапасы мен қауіпсіздігін арттыруға, халықаралық жобаларға қатысу кезінде бәсекелестік мүмкіндіктерін алуға, сондай-ақ, әріптестер мен инвесторларды тартуға лицензия алу және рұқсат алу процесін оңайлатуға ықпал етіп, көлік-логистикалық көрсетілетін қызметтер нарығында қоғамның имиджін арттыруға оң әсер етпек. Демек, халықаралық сертификаттарды алу қоғам дамуының жаңа мүмкіндіктері болып отыр.