Ерейментау – Қоржынкөл аралығындағы теміржол жөндеуден өтті
«Қазақстан теміржолшысы» газетінің тілшісі
«Теміржол жөндеу» ЖШС-не қарасты Астана ПМС мекемесі Ерейментау – Қоржынкөл аралығындағы теміржолға күрделі жөндеу жүргізді.
Жуырда күрделі жөндеу жұмыстарына байланысты кезекті технологиялық толаскез алынып, 2925 метр жол теліміне су жаңа темірбетонды рельс-шпалды торкөзі төселді. Соның ішінде, жөндеу жүргізілген жолдың 90 пайызы қисық телімді болатын және жалпы ұзындығы 750 метр болатын алты ойық жасалды. Толаскез белгіленген уақыт ішінде атқарылып, аталған жол аралығында темірбетонды рельс-шпалды торкөзін төсеу жұмыстары толық және сәтті аяқталды. Рельс Ақтөбе зауытында жасалған отандық өнім екенін айта кеткен жөн. Жалпы, соңғы жылдары жол жөндеу жұмыстарына пайдаланып жатқан рельстің бәрі отандық өнім екенін ескерсек, Ақтөбе рельс-арқалық зауытының қуаты ішкі нарықты толық қамтамасыз етіп отырғанын байқауға болады.