Түбек теміржолшыларына құрмет
Маңғыстау облысы бойынша меншікті тілші
Биыл «Құрметті теміржолшы» белгісін түбек теміржолының екі майталманы алды. Олар – Маңғыстау вагон пайдалану депосы Шетпе қосынының бастығы Әлібек Чаркатбаев пен Бейнеу жол дистанциясының №1 өндірістік телім бастығының орынбасары Айжарық Сенгирбеков.
Ал Маңғыстау локомотив пайдалану депосының жөндеушісі Жандос Ниязов, Маңғыстау станциясының кезекшісі Жанат Жұмахметова, Маңғыстау жолаушылар пойызының бастығы Қалиолла Сахипов, Маңғыстау жүк тасымалы бөлімшесі қозғалыс қауіпсіздігі бөлімінің бастығы Аманқос Құсайынов, Маңғыстау қосынының бастығы Ерболат Сәулебаев, Маңғыстау электрмен жабдықтау дистанциясының бас инженері Нұрболат Беримбаев «Адал еңбегі үшін» медалін алды.
Маңғыстау электрмен жабдықтау дистанциясының бастығы Сұлтанбек Қонаев «Үздік басшы», Маңғыстау жүк тасымалы бөлімшесі бастығының логистика жөніндегі орынбасары Ғалым Айтжанов «Үздік маман» атанды.
Маңғыстау жүк тасымалы бөлімшесінің еңбекті нормалау бойынша жетекші инженері Мадина Асқанбаева, Маңғыстау жол дистанциясының жол шебері Талғат Есжанов, Вокзалдар шаруашылығы бойынша бөлімінің 1 санаттағы инженері Дилорам Бектауова, Маңғыстау магистральдық желі бөлімшесі филиалы материалдық-техникалық қамтамасыз ету бөлімінің бастығы Гүлбану Алдабергенова, Маңғыстау белгі беру және байланыс дистанциясының инженері Татьяна Николаевна, Маңғыстау электрмен жабдықтау дистанциясының жетекші инженері Акберди Битимбаев «Кәсіби бойынша үздік» белгісіне ие болды.
Тағы бірқатар сала қызметкерлері Құрмет грамотасы мен Алғыс хатпен және Сала кәсіподағының мерейтойлық медалімен марапатталды.