Ынталандыру жүйесі қалыптасқан
«Қазақстан теміржолшысы» газетінің тілшісі
«ҚТЖ» ҰК» АҚ басшылығы айрықша басымдық беріп отырған маңызды бағыттың бірі – қауіпсіздік мәдениетінің деңгейін арттыру. Адам факторымен байланысты қозғалыс қауіпсіздігін бұзушылықтарды азайту мақсатында 2022-2023 жылдар «Қозғалыс қауіпсіздігі мәдениетін дамыту жылы» болып жарияланды.
Оның аясында қозғалыс қауіпсіздігін бұзушылықтар санын төмендетудің нақты мақсаты қойылып, дамудың және оқытудың, уәждеменің және еңбек жағдайларының негізгі бағыттары айқындалды. Бүгінгі таңда Магистральдық желі дирекциясының 1206 қызметкері «ҚТЖ» ҰК» АҚ бес филиалында, Нұр-Сұлтан, Қарағанды, Ақтөбе, Тараз қалаларының оқу орталықтарында біліктілігін арттырды. Бұл жылдық оқу жоспарының 86% құрап отыр. Қызметкерлерді ынталандыру және өндірістік міндеттерді сапалы орындау мақсатында Компанияда еңбекке қатысу коэффициентін қызмет нәтижелеріне жеке салым сыйақысы ретінде қолдана отырып, сыйлықақы беру бағдарламасы әзірленді. 2022 жылдың 1 маусымынан бастап жол дистанцияларында еңбекке қатысу коэффициентін есепке ала отырып жол шебері, учаске бастығы және учаске бастықтарының орынбасарларына сыйақы беру енгізілді.
Сонымен қатар Ұлттық компанияда пойыздар қозғалысының қауіпсіздігін қамтамасыз етуге және жақсартуға үлес қосқан жұмыскерлерді материалдық және моральдық тұрғыдан ынталандыру жүйесі қалыптасқан. Мәселен, бір ғана Магистральдық желі дирекциясында биылғы жылы 344 қызметкер марапатталды. Соның ішінде Көлік қызметкерлері күніне орай «ҚТЖ» ҰК» АҚ филиалдары – Жамбыл магистральдық желі бөлімшесіне қарасты Түлкібас жол дистанциясының жол монтері С. Боровской, Сарышаған белгі беру және байланыс дистанциясының СОБ электромеханигі Ж. Ахметбеков, Қарағанды бөлімшесі Қарағанды белгі беру және байланыс дистанциясының СОБ электромеханигі К.Балпықов, Павлодар бөлімше- сінің Ерейментау жол дистанциясының жол шебері М.П.Зубрицкая «Құрметті теміржолшы» төсбелгісімен марапатталды. Тағы 21 адам «Адал еңбегі үшін», 32 адам «Кәсібі бойынша үздік» төсбелгілеріне ие болды.