Кәсіподақтағы белсенді жандардың еңбегі зор

Аймақтар
04.10.2022, 11:12
Суретті түсірген автор
Қуаныш Қожаев

Абай облысы бойынша меншікті тілші

Ел шығысындағы теміржол саласында да қоғамдық өмір қайнап жатыр. Салалық кәсіподақ ұйымының ұйытқы болуымен іргелі шаралар өткізіліп, теміржолшылардың қызметтен тыс уақыттары да мейлінше тиімді өтуде. Осы орайда кәсіподақ жұмысында белсенділік танытып келе жатқан жандардың еңбегі зор.

«ҚТЖ-Жүк тасымалы» ЖШС Семей ЖТ бөлімшесінде еңбекті қорғау бойынша жетекші инженер қызметін атқаратын Бекзат Кәрімханов – осындай белсенді жастың бірі. Тәуелсіздікпен құрдас, теміржолшылар қаласы Аягөзде дүниеге келген Бекзат о баста елгезек бала болса керек, мектепте, кейін Семейдегі теміржол колледжінде түрлі қоғамдық жұмыстардың бел ортасында жүретін ол сол кезден-ақ кез келген кештің жүргізушісі болыпты. Домбыра, шахмат үйірмелеріне қатысып, спорттық сайыстар жеңімпазы, жайдарманшы, сосын кәдімгідей кәсіби фотограф болыпты. Оркестрде өнер көрсеткен де кезі болған. Осылай ерте ортаға қосылып, өзін-өзі шыңдауы арқасында кез келген жұмысты ұршықтай үйіретін қабілеті де болды. Бүгінде бөлімшедегі кәсіподақ жұмысын жүргізіп отыр. Ұйымдастырушылық қабілеті жоғары жігітті ұжым таңдап сайлаған.  

Алғашқы еңбек жолын өзі оқыған колледжде темір жол бойынша арнайы пәндердің ұстазы болып бастапты. Куратор қызметін де атқарып өзінен сәлақ кіші жастарды тәрбиелеген. Педагогтық тәжірибесі бүгінде темір жолдағы қызметінде үлкен пайдасын тигізуде. Кейін М.Тынышпаев атындағы Қазақ көлік және коммуникациялар академиясын «Көлікті пайдалану және жүк қозғалысы мен тасымалдауды ұйымдастыру» мамандығы бойынша үздік тәмамдап, жоғары білім алды.  

Темір жолдағы алғашқы қызметін Семей ЖТ бөлімшесінің Жаңа-Семей станциясында бағыттама кезекшісі болып бастайды. Қысқа мерзім ішінде бағыттама қосыны кезекшісі, осы станцияның «А» қосынының станция бойынша кезекшісі болып бірнеше саты жоғарылады. Сондай-ақ, Семей вокзал шаруашылығының 1-ші категориялы инженері, Семей ЖТ бөлімшесінің қоршаған ортаны қорғау бойынша инженері, еңбекті қорғау бойынша жетекші инженер лауазымдарына сатылай өсіп,тәжірибесін арттырды. 2019 жылы өндірістік жарақаттануға жол бермегені үшін «ҚТЖ» ҰК» АҚ Басқарма төрағасының Құрмет грамотасымен марапатталды.  

Кәсіби өмірдегі жетістігінің өзі жас буынға үлгі боларлықтай. Атап айтсақ, «Болашақ басқарушылар» бағдарламасын игеріп, ұлттық компанияның ішкі жаттықтырушылар пулын құру және дамыту бағдарламасы бойынша өткен сайыстың жеңімпазы атанды. Сертификатталған ішкі жаттықтырушы атағын алды.  

– Бекзат Нұрланұлы – кәсіби қызметте ғана емес, қоғамдық қызметте де жетістікке жеткен жан. Сала кәсіподағына сіңірген қызметі үшін «Қазақстандық салалық теміржол, автомобиль, әуе және су көлігі қызметкерлерінің кәсіби одағы» қоғамдық бірлестігінің төрағасы Оразғали Ахметбаевтың алғыс хатымен марапатталса, «ҚТЖ-Жүк тасымалы» ЖШС кәсіподақ филиалының төрағасы Е.Төлегеновтің құрмет грамотасын алды, кәсіподақ жетекшілеріне оны үлгі тұтып, Бекзаттай белсенді болса бәріне қол жеткізуге болады дейміз, – дейді кейіпкеріміз жайлы пікір білдірген бөлімшенің салалық кәсіподақ ұйымының төрағасы Алик Досанов.  

Қорыта айтсақ, кәсіподақ белсендісі Бекзатты бүгінде шығыстағы барлық теміржолшы біледі. Өз қызметін қоғамдық жұмыстармен қатар алып келе жатқан, теміржолшылар мүддесін бәрінен жоғары қоятын жігерлі жасты жергілікті теміржолшылар мақтан тұтады.

 

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті