Ұжымдық шарт талқылануда
Атырау облысы бойынша меншікті тілші
Қазіргі уақытта барлық ұжымдарда «ҚТЖ» ҰК»АҚ бойынша 2024-2026 жылдарға арналған ұжымдық шартты талқылау және ұсыныстар енгізу жөнінде жұмысшылармен кездесу өткізілуде.
Ұжымдық шарт – ұйымдағы әлеуметтік және еңбек қатынастарын реттейтін, жұмысшылар өкілдері мен жұмыс беруші арасында жасалған жазбаша келісім түріндегі құқықтық акт. «Қазкөліккәсіп» Орталық Кеңесінің Атырау аймағы бойынша өкілі Боранбай Қамиевтың айтуынша, бүгінгі таңда Атырау аймағындағы ұжымдармен кездесу өтіп, теміржолшылардың ұсыныстары мен талап-тілектері жиналуда екен. Атап айтқанда, жұмысшылар мен олардың отбасына, зейнеткерлерге демалуға, емделуге белгілі бір мөлшерде материалдық көмек беру, интернатта жатып оқитын балаларды тасымалдау үшін төленетін ақы көлемін арттыру, теміржолшыларға жылына бір рет пойызда тегін жүру тәртібін өзгерту, станция-разъездерде жұмысшыларды ауыз сумен қамту, көпбалалы отбасыларға, жалғыз басты аналарға көмек т.б. көптеген ұсыныстар бар. Кәсіподақ төрағасының айтуынша, алдағы үш жылға арналған ұжымдық шарт жасақталғанда осы ұсыныстар ескерілетін болады.
