Шымкенттік теміржолшылар кәсіби мерекесін атап өтті (Фото)

Шымкент көлік колледжінің акт залында Көлік қызметкерлері күніне арналған мерекелік салтанат аймақ теміржолшыларының есінде ұзақ уақыт сақталары анық.  

Бір ғасырдан астам тарихы бар бұл сала жыл сайын көлік қызметкерлері күні қарсаңында жаңа белестерді бағындырып, жеңіс тұғырынан көрінуде. Биылғы жетістік те көңіл көншітерлік. Бұл жайында «ҚТЖ» ҰК» АҚ «Шымкент магистральдық желі бөлімшесі» филиалының директоры Алғазы Қойлыбаев өз баяндамасында айтып өтті. 

Сондай-ақ бөлімше басшысы «Құрметті теміржолшы» атағына ұсынылған Арыс жол дистанциясының телім бастығы Рамат Бердібекке  төсбелгісін табыс етті. «Үздік басшы» төсбелгісімен Арыс материалдық қамтамасыз ету базасының бастығы Ақтөреев Әзімбек және Шымкент белгі беру және байланыс дистанциясының бастығы Қасымбеков Болат марапатталса, «Кәсібі бойынша үздік» төсбелгісімен Шымкент жол дистанциясының жол бригадирі Бегімбетов Сәрсенбек және Арыс белгі беру және байланыс дистанциясының аға КТСМ электр механигі Добанов Анарбек, «Үздік маман» төсбелгісімен Арыс жол дистанциясының бас инженері Сәдібеков Қалдарбек, «Адал еңбегі үшін» төсбелгісімен Арыс белгі беру және байланыс дистанциясының байланыс электр механигі Жидебаев Өскенбай мен Шымкент электрмен жабдықтау дистанциясының Түлкібас қосалқы тарту станциясының бастығы Қазбеков Мырзабай, «Кәсібі бойынша үздік» белгісімен Түркістан вокзалының анықтама беру бойынша кезекшісі Ахабаева Шәрбан мен Арыс жол дистанциясының жол шебері Бегімбетов Маханбетқұл марапатталды. Сонымен қатар «ҚТЖ» ҰК» АҚ  Басқарма төрағасы мен «Магистральдық желі дирекциясы» филиалы  басшылығының  Құрмет грамотасы мен Алғыс хатын алып, мерейі өскен сала қызметкерлерінің қатары мол болды. «ҚТЖ» ҰК АҚ «Үздік мамандар» құрмет тақтасына Шымкент жол дистанциясының жол шебері Жүніс Кұлымбетовтің  суреті ілінетінін де аймақ теміржолшылары қол соғып қуанышпен қабылдады.  Салтанатты кеште оңтүстікке танымал әншілер мен сатира театрының актерлары өнер көрсетті.

Бұл күні Шымкент жүк тасымалы бөлімшесінің ұжымы «Дәстүр» мейрамханасында кәсіби мерекені атап өтті. Бөлімше бастығы Нұрдәулет Байғазиев сала еңбеккерлері мен ардагерлерді атаулы күнмен құттықтап, үздіктерді марапаттады. «Құрметті теміржолшы» белгісіне Түркістан станциясының вагондар қозғалыс жылдамдығын реттеуші Сариев Ералы Әбдутәліпұлы ие болды.