Жауапкершілік жүгі жоғары кәсіп иелері

Аймақтар
07.12.2023, 10:07
Суретті түсірген автор
Ардақ Үсейінова

"Қазақстан теміржолшысы" газетінің Жамбыл облысындағы меншікті тілшісі

Жүйткіген жүрдек пойыз станцияға жақындаған сайын екпінін бәсеңдете берді. Кестеге сай келіп жеткен жолаушылар пойызы тоқтағанда, өз міндеттеріне кірісуге дайын тұрған вагон қараушылар ұзын құрамды бойлап тексеруге кірісті.

Әр вагонның тіркеуішін мұқият қарап, доңғалақтарын балғамен ұрып «тың тыңдап» жүрген вагон қараушылар үшін ең жауапты сәт осы. Қозғалыс қауіпсіздігін қамтамасыз ету міндетін жүктеген олар доңғалақты балғамен ұрған сәттегі шыққан әрбір дыбысты қалт жібермей, ажырата алуы керек. Вагондар арасындағы тіркеуіштер дұрыс па, ақауға негіз болатын титтей сызат болса да қауіпті.

Жамбыл вагон пайдалану депосы вагондарға техникалық қызмет көрсетуге мамандандырылған. Техникалық байқау, ағымдағы ағыту және ағытпай жөндеу, вагондарды тиеуге дайындау, жөндеудің жоспарлы түрлерінен жүк вагондарын қабылдау, вагондарды техникалық беру пункттерінде қабылдау және беру, жүк вагондарының иелерімен өзара іс-қимылды реттеу, т.т. жылжымалы құрамдарға қызмет көрсету 1148 шақырымдық аумақта жамбылдық вагоншылар міндетіндегі жұмыс.    

Талғат Жасұзақов басқаратын вагон депосының Тараз, Түрксіб, Қаратау, Жаңатас, Шу, Сарышаған станцияларында орналасқан 6 техникалық қызмет көрсету пункті бар. Бұл пункттердің, сонымен қатар Боранды, Ақшолақ, Қияқты, Мыңарал станцияларында орналасқан бақылау бекеттерінің де өз функциялары бар. Вагондардың күтімі мен қозғалыс қауіпсіздігіне Боранды, Күркүреу-су, Шақпақ, Ақшолақ, Ақыртөбе, Тәтті, Қорағаты, Жиделі, Хантау, Қарасай, Қияқты, Қашқан теңіз, Мыңарал, Көктем, Қаражыңғыл, Бел, Еспе, Шоқпардағы бекеттер де басқаларымен бірдей жауапты.

Вагон қараушы өзіне жүктелген негізгі 5 міндетті жақсы біледі. Ол –   автотіркегіштерді, доңғалақты, вагон тіркемесін, вагон астындағы тежегіш жабдықтарын, кузовты тексеріп, қозғалыс қауіпсіздігін қамтамасыз ету.  

– Деподағы 640 адамның 520-сы вагон қараушылар. Айталық, біздің аумақ арқылы бір ауысымда 40-50 жүк пойызы, 17-20 жолаушы пойызы жүріп өтеді. Соның барлығының ақаусыз, діттеген жерге уақытылы жетуіне біздің депо мамандары жауапты. Әсіресе вагон қараушыларға жүктелер міндет жоғары. Сауаттылық, шеберлік, қырағылық, кейде интуиция да вагон қараушының қаруы болады. Жыл сайын кестемен, кезекпен вагон қараушылар Тараздағы оқу орталығында 1-2 айлық курстарда білімін жетілдіріп отырады. Тек вагон қараушылар ғана емес, осында еңбек ететін әр қызметкер жыл сайын біліктілікті арттыру курстарынан өтуге міндетті, – деді депоның бас инженері Сағидулла Әбиев.

Жамбыл вагон пайдалану депосының басшылығы техникалық қызмет көрсету қосындарының, бекеттер мен тұйықтардың материалдық базасын қамтамасыз етуге де жеткілікті көңіл бөледі. Жазда салқындатқыштардың қалыпты жұмыс істеуін, қыста орталықтандырылған жылу жүйесінің үздіксіз жұмыс істеуі шарт.  

Сонымен қатар қауіпсіздікті қамтамасыз ету үшін пункттер мен бекеттерге бейнебақылау камералары қойылған. Бүгінде депоға қарасты өндірістік ғимараттардың орталықтандырылған жылу жүйесі электрлі жылытуға көшірілген. Жалпы көрсеткіш 80 пайызға жуық. Көмірмен жылытылатын жылу жүйесі Тараз қаласындағы пункттерде ғана қалыпты. Бұл өз кезегінде техникалық қызмет көрсетудің қалыпты жұмысына оң әсерін тигізуде.  

Сондай-ақ Тараз қаласындағы жоспарлы техникалық бөлімде депо жұмысшыларына арналған арнайы демалыс бөлмесі жабдықталған. Ол жерге депоның кез келген қызметкері бос уақыттарында келіп, спортпен шұғылдана алады.

Жаңалықтар
01.03.2024
«Қазтеміртранс» АҚ қызметкерлері 27 келіден астам батареяны кәдеге жарату үшін тапсырды
Жаңалықтар
01.03.2024
Қазақстандық дизельді-электр локомотивтері Моңғолияға жеткізіле бастады
Жаңалықтар
01.03.2024
«Бір белдеу – Бір жол» бастамасы шеңберінде транзитті ұлғайту бойынша стратегиялық уағдаластықтарға қол жеткізілді
Жаңалықтар
01.03.2024
Алдағы жазда Алакөл бағытындағы пойыздарда 270 мыңнан астам орын ұсынылады
Аймақтар
01.03.2024
Студенттер жүк тасымалы процесімен танысты
Аймақтар
01.03.2024
1 наурыз – Алғыс айту күні
Жаңалықтар / Мұрағат
01.03.2024
«Қазақстан теміржолшысы» газеті, №20 01 наурыз 2024 жыл
Жаңалықтар
29.02.2024
ҚТЖ ынтымақтастық туралы үшжақты меморандумға қол қойды
Инфрақұрылым
29.02.2024
Таулы өңірде 900 метр жол жөнделді
Жаңалықтар
29.02.2024
«Жолаушылар тасымалы» АҚ уақыт белдеуінің өзгеруіне байланысты жолаушыларды мұқият болуды сұрайды
Аймақтар
29.02.2024
Қосалқы бөлшектер жетіспеушілігі шешілуде
Жаңалықтар
29.02.2024
Жамбылдық теміржолшыларға жаңа техника берілді
Аймақтар
29.02.2024
Шымкентте «100 жас есім» жобасы аясында модульдік оқу күндері өтті
Жаңалықтар
29.02.2024
Теміржолшылар бейінді жоғары оқу орындары мен колледж студенттеріне дәрістер сериясын өткізді
Қауіпсіздік
29.02.2024
Пойыздың тоқтату кранын жұлып алған екі жолаушыға айыппұл салынды
Жаңалықтар
28.02.2024
Мемлекет басшысы теміржол саласының ардагерлерімен кездесті
Цифрландыру
28.02.2024
Мемлекет басшысы «ҚТЖ» ҰК» акционерлік қоғамы мен Қытайдың Huawei компаниясы бірлесіп құрған жаңа Инновациялық орталықты ашты
Жаңалықтар
28.02.2024
Мемлекет басшысы «ҚТЖ» ҰК» АҚ Инновациялық орталығына барды
Жаңалықтар
28.02.2024
«Денсаулық» медициналық пойызы сәуір айынан бастап жолға шығады
Жаңалықтар
28.02.2024
Бірыңғай уақыт белдеуі: жолаушылар пойыздарының қозғалыс кестесіне өзгерістер енгізу бойынша шаралар қолға алынды