Кырағы күзет қызметінің сарбаздары

Аймақтар
27.11.2024, 13:54
Ардақ Үсейінова

"Қазақстан теміржолшысы" газетінің Жамбыл облысындағы меншікті тілшісі

Қалтқысыз қызмет, табанды еңбек табысқа жеткізеді. Биыл «Әскерилендірілген теміржол күзеті» ЖШС Тараз филиалы өндірістік және қаржылық көрсеткіштері бойынша жоғары нәтижелерге қол жеткізгені үшін үздік ұжым атанды.  

Теміржолдағы күзет қызметінің 11 филиалы арасында үздік шығу әрине үлкен жетістік. Жалпы үздік филиал рейтингілік көрсеткіштерді есептеу әдістемесіне сәйкес жүргізіледі. «Әскерилендірілген теміржол күзеті» ЖШС бас директорының 2024 жылғы 21 маусымдағы №63-н/қ бұйрығымен бекітілген әдістемеде айқындалған 23 көрсеткіш осы қызметтің көптеген аспектілерін қамтиды. Соның бірі – шұғыл әрекет ететін күзет топтары қызмет көрсететін учаскелерде ұрлықтың алдын алу.  

Егер филиалға қарасты аумақта вагондар немесе контейнерлердің пломбалары бұзылса немесе жоғалса, күзетілетін вагондар мен контейнерлерден жүк ұрлау фактілері орын алса, жұмыс орнында жарақат алу, өрт қауіпсіздігін бұзу сынды жағдайлар көбейсе, көрсеткіш төмендейді. Бұл бағалау жүйесі үздік филиалдарды анықтауға мүмкіндік береді. Бұдан бөлек басшылықтың жұмысты ұйымдастырудағы қызметкерлерді ынталандырып, корпоративтік мәдениетті және теміржол объектілеріндегі жалпы қауіпсіздікті жақсартуға ықпал ететін іс-шаралары да бағаланбай қалмайды.

«Жақсыны көрмек үшін» демекші, үздік ұжыммен танысып, жұмысын көзбен көріп қайтуға аттандық.  Кіреберісте бізді қарсы алған күзетші  телефонмен кімге келгенімді хабарлап, рұқсат алған соң, диспетчердің қабылдау бөлмесіне шығарып салды. Талап пен тәртіп өз алдына, күзетшілер мекемесіне кіргеннен ең алдымен мұнтаздай  тазалық назар аудартады. Тиянақты әрі талғаммен жүргізілген жөндеу жұмыстарына қарап, ғимаратты 1949 жылы салынған деуге келмейтіндей. Филиал ғимаратының іргесі 75 жыл бұрын қаланғанын «ӘТЖҚ» ЖШС Тараз филиалының директоры Еркін Мүсілімовтен естідік. Еңбек етуге қолайлы орта – жұмыс өнімділігін арттыратын негізгі факторлардың бірі екені белгілі. Еркін Түгелбайұлының үш жыл бұрын осы қызметке тағайындалғанда істі еңсені басқан ескі ғимаратты жөндеуден бастауы бекер емес. Жөндеу жұмыстарын күзет қызметкерлері бірлесе атқарыпты.

– Жалпы, жұмыстың жүйелі жүруі – алдымен талап пен тәртіпке, одан кейін қызметкерлердің ауызбіршілігіне байланысты. Біздің үздік атануымыз – тұтас ұжымның еңбегінің жемісі. Атап айтсам, оған қызметкерлерді ортақ іске жұмылдырып, жұмысты бір жүйеге түсіруге күш жұмсаған директордың орынбасары Қайрат Мадалиевтің, әрбір күзетшінің әлеуметтік жағдайын түгендеп жүретін кадр бөлімінің бастығы Баян Әлиеваның, атқыштар командалары бастықтарының қосқан үлесі көп. Жұмыс істеуге қолайлы жағдай жасалып, еңбегі адал бағаланса, қызметкерлер де нәтижеге жетуге ынталы болады.  

Бұл ретте елдегі ең ірі жұмыс берушінің бірі ҚТЖ-ның  еңбек адамына қолайлы ахуал қарастырып отырғанын айтпай кетпейміз. Соңғы жылдарда күзетшілердің айлығы өсіп, арнайы киіммен және өзге де қажетті құрал-жабдықтармен қамтамасыз ету деңгейі едәуір жоғарылады. Сыйақы, 20 жылдан астам уақыт жұмыс істеп келе жатқан азаматтарға емделуге шипажайларға жолдама беру қарастырылған. Ұжым мүшелерінің отбасында болған қайғысы мен қуаныштарында, денсаулық жағдайына байланысты, сонымен қатар жалғызілікті қарттарға ұжымдық шартқа орай түрлі материалдық көмек беріледі. Жұмыс нәтижесіне байланысты күзетшілеріміз арнайы марапатқа ұсынылып отырады. Мұның барлығы оларды ынталандыра түседі. Соған қарай жұмыс сапасы да артады. Күзетшілердің жұмыс жағдайының жақсаруы, жоғарыда атап өткендей, ұрлық-қарлықтың, түрлі заң бұзушылықтардың да азаюына алып келіп отыр, – дейді филиал директоры.

Тараз филиалының қызмет көрсететін аумағы солтүстігінде Қарағанды облысымен шектесетін Сарышаған, тоғыз жолдың торабы  Шу, Меркі бағытында Тәтті, Түрксіб, Тараз және қырғызбен шекаралас Маймақ станцияларын қамтиды. Бүгінгі таңда 508 күзетшіден тұратын филиалдың жеке құрамы жүк тасымалының қауіпсіздігін қамтамасыз етіп келеді. Филиал жетекшісінің айтуынша, қиындыққа мойымайтын нағыз ержігіттерге, қажыр-қайрат иелеріне арналған кәсіп иелері ел ішіндегі ғана емес, халықаралық бағыттағы экспорттық жүк тасымалын, оның ішінде цистерналар толы түрлі сұйық заттарды діттеген жеріне қауіпсіз жеткізудің жауапкершілігін жақсы біледі. 70-80 вагон жүкті қабылдап алып, қайта тапсырылуын қадағалау айтуға ғана оңай. Жеке құрам физикалық дайындықтан бөлек, кәсіби дағдыларын жетілдірумен үнемі айналысады.  

– Жеке құрам қару, төтенше жағдай туындаса, қажетті  техникалық қызмет көрсететін құрал-жабдықтарды алып жүреді. Мысалы, көрші Өзбекстан, Қырғыз елінен, басқа облыстардан көбіне газ, түрлі қышқылдар секілді қауіпті жүктер тасымалданады. Ілеспе күзетті жүзеге асыратын болғандықтан, жол бойында оларға зақым келмеуін, пломбаларының бүтін болуын қадағалау, ұрлануына жол бермеу, төгіліп-шашылуының алдын алу секілді көптеген жұмыстарды осы біздің күзет қызметкерлері атқарады. Егер ұрлық жағдайы орын алса, ол жерге шұғыл әрекет ететін жедел топ барып, деректерді талдап, тексеру жүргізеді, – деп түсіндірді Еркін Түгелбайұлы.

Бір сөзбен айтқанда, теміржол күзетшілеріне жүктелер жауапкершілік жүгі жеңіл емес. Ал жұмыстан тыс уақытта барлық жеке құрам қаруды қолдану, электрмен жұмыс істеу қауіпсіздігі секілді тақырыптық сабақтарға, тактикалық оқу-жаттығуларға қатысады.  

Жаңалықтар
16.03.2025
ҚТЖ-да ұлттық салт-дәстүр күні атап өтілді
Жаңалықтар
15.03.2025
Қайырымдылық күні теміржолшылар қамқорлық акцияларын ұйымдастырды
Жаңалықтар
14.03.2025
ЕАЭО темір жол көлігі саласындағы интеграциялық процестерді тереңдетуде
Жаңалықтар
14.03.2025
ҚТЖ басшылығы Атырау – Орал учаскесін тексерді
Аймақтар
14.03.2025
Мақсат Қалиақпаров Павлодар өңірінің тұрғындарымен кездесті
Аймақтар
14.03.2025
Маңғыстаулық теміржолшылар Амал мейрамын атап өтті (Фото)
Жаңалықтар
14.03.2025
Достық - Мойынтының тағы бір учаскесінде екінші жол бойынша пойыздар қозғалысы ашылды
Спорт
14.03.2025
Шахмат – тамаша ойын
Жаңалықтар
14.03.2025
Теміржолшылар «Наурызнама» жалпыұлттық онкүндігіне қосылды
Трансформация
14.03.2025
Техникалар паркі кезең-кезеңмен жаңаруда
Цифрландыру
14.03.2025
Кадрдың қадірі артуда
Инфрақұрылым
14.03.2025
Вокзалдар – үкімет назарында
Жаңалықтар / Мұрағат
14.03.2025
Қазақстан теміржолшысы газеті, №19 14 наурыз 2025 жыл
Жүк тасымалы
13.03.2025
Транскаспий дәлізі бойынша контейнерлік тасымал 2,7 есе өсті
Жаңалықтар
13.03.2025
Қазақстан мен Ресей «Солтүстік – Оңтүстік» көлік дәлізін дамыту мәселесін талқылады
Инфрақұрылым
13.03.2025
Қызылорда өңірінде 50 шақырым темір жолы күрделі жөндеуден өтеді
Жаңалықтар
13.03.2025
ҚТЖ-да өткен "Сенімді тұлға"форумына 200-ден астам адам қатысты
Аймақтар
13.03.2025
Маңғыстаулық нәзікжандылар марапатталды
Аймақтар
13.03.2025
Әйелдер қауымына құрмет көрсетілді
Аймақтар
13.03.2025
Ерекше форматтағы мереке