Түрксіб саябағындағы той

Аймақтар
08.04.2025, 08:49
Суретті түсірген автор
Ардақ Үсейінова

"Қазақстан теміржолшысы" газетінің Жамбыл облысындағы меншікті тілшісі

Кей жылдарда өңірлерде шаруа жайына қарай «Құт мейрамы, көктем мерекесі» деп атаған Наурызды тойлау сәуірге дейін жалғасып жатады. Жамбылдық теміржолшылар да өткен аптада Тараз қаласындағы Түрксіб саябағында алты ақ үй тігіп, Ұлыс күнін атап өтті.

Ауыл-аймақтардағы Рамазан айының аяқталуын күткен көпшілік қырға шығып, алтыбақан құрып, киіз үй тігіп, Ұлыс күнін тойлауда. Жамбыл жол бөлімшесі ұйымдастырған мерекеде саябақтағы тігілген киіз үйлердің ішіне де, сыртына да ақ дастархан жайылып, теміржолшыларға наурыз көже таратылды. Алтыбақан құрылып, кір тасын көтеру, арқан тартудан жарыс ұйымдастырылды. Алаң ортасындағы үлкен сахнада әннен шашу шашылып, күмбірлеп күй төгілді. Қыз ұзату, беташар, тұсаукесер рәсімдерінен көріністер көрсетіліп, ұлттық салт-дәстүр ұлықталды. Сонымен қатар үздік ұлттық киім үлгісінің иегерлері анықталып, кәсіподақ ұйымы атынан сыйлықтар табысталды.  

Жалпы Жамбыл жол бөлімшесі соңғы жылдарда Ұлыс күнін атап өтудің мазмұнын арттыру үшін еңбекте озат, өз міндетін жауапкершілікпен атқаратын теміржолшыларды марапаттауды дәстүрге айналдырып келеді. Мерекелік салтанатта Жамбыл ЖТ бөлімшесінің директоры Айдын Сеитбенбетов, Жамбыл магистральдық желі бөлімшесінің директоры Мейрамбек Кенжебаев құттықтау сөз сөйлеп, сала мамандарын «Адал еңбегі үшін», «ҚТЖ» ҰК» АҚ дамуына қосқан ерекше үлесі үшін» төсбелгілерімен, «Қазақстан темір жолына – 120 жыл» мерейтойлық медальмен, «ҚТЖ» ҰК» АҚ басқарма төрағасының Алғыс хатымен марапаттады. 

Салалық кәсіподақ филиалының төрағасы Жұман Сәменов, Жамбыл жол бөлімшесінің қауіпсіздігі бойынша ревизоры Медет Қолдасов «Үздік маман», «Кәсібі бойынша үздік» атанған теміржолшыларға марапат тапсырды.  

Сондай-ақ адал еңбек иелері Жамбыл жүк тасымалы бөлімшесі, Жамбыл магистральдық желі бөлімшесі директорларының Құрмет грамоталарымен де марапатталды. Лауазымдық міндетін ұзақ жыл жауапкершілікпен атқарған Жамбыл өрт сөндіру пойызының бастығы Марат Керімқұловты шапан жауып, сый-сияпат жасап, құрметті демалысқа шығарып салды.  

 

Жаңалықтар
30.05.2025
Қазақстан мен Конго Республикасы логистика саласындағы ынтымақтастықты талқылады
ҚТЖ келбеті
30.05.2025
Темірден түйін түйген Момын Өтегенов – 95 жаста
Әлеумет
30.05.2025
Болашақ станциясында жаңа ойын алаңы ашылды
Аймақтар
30.05.2025
Арыс теміржол торабы жаңартылған соң вагон айналымы 20 пайызға артты
Спорт
30.05.2025
Теміржолшылар арасында футболдан тартысты турнир өтті
Аймақтар
30.05.2025
Жұмысқа тұрудың жаңа тәртібі
Спорт
30.05.2025
Теміржолшылар зияткерлік пен дәлдікте бақ сынады
Жаңалықтар / Мұрағат
30.05.2025
Қазақстан теміржолшысы газеті, №41 30 мамыр 2025 жыл
Жаңалықтар
29.05.2025
Теміржолшылар өткелдерде профилактикалық жұмысты күшейтті
Жүк тасымалы
29.05.2025
ҚТЖ: Астық экспорты артты
Жолаушылар тасымалы
29.05.2025
Елімізде жаңадан екі электр пойызы іске қосылады
Жолаушылар тасымалы
29.05.2025
Жазда теміржол көлігімен 7 млн жолаушыны тасымалдау көзделіп отыр
Жаңалықтар
29.05.2025
Астанада ALSTOM компаниясының жаңа сервистік орталығының алғашқы тасы қаланды
Жолаушылар тасымалы
29.05.2025
«Сиань–Алматы» бағыты бойынша алғашқы туристік пойыз сапарға аттанды
Әлемде
28.05.2025
Қазақстандық PTC holding компаниясы Грузияда терминал ашпақ
Жаңалықтар
28.05.2025
Астана форумында Транскаспий дәлізін дамыту барысы сөз болды
Жүк тасымалы / Апта саны
28.05.2025
Қазақстан мен Қытай арасындағы теміржол тасымалы 13% ұлғайды
Аймақтар
28.05.2025
Атырауда вагонның бөлшектерін шығаратын жаңа зауыт салынады
Жолаушылар тасымалы
28.05.2025
«Астана – Жезқазған» пойызында қыз бала дүниеге келді
Жаңалықтар
27.05.2025
Теміржолшылар "Велосипед күні" акциясын өткізді