Жамбыл теміржолшылары Рәміздер күнін атап өтті
"Қазақстан теміржолшысы" газетінің Жамбыл облысындағы меншікті тілшісі
Бұл күні Жамбыл жүк тасымалы бөлімшесінде жұмыс әдеттегіден өзгеше басталды. Филиалдың аппарат қызметкерлері мұражай алдына жиналып, Мемлекеттік әнұранды бірге шырқады.
4 маусым – Мемлекеттік рәміздер күніне орай бір сәтте әнұранды бірге шырқау бастамасына филиалға қарасты құрылымдар да үн қосты. ТЧЭ – 31 Жамбыл локомотив пайдалану депосы, ТД – 19 Шу локомотив депосының және басқа да мекемелер бөлімшенің орталық аппаратына қолдау білдіріп, тағы жұмысты мемлекеттік әнұранды орындаудан бастады.
– Мемлекеттік рәміздерге деген құрметтен бастау алған бүгінгі іс-шараға қатысқан теміржолшылар ұйымшылдық пен патриоттықтың үлгісін көрсетті. Әнұранымыз асқақтата шырқалғанда кез келген азамат бей-жай қарап тұра алмайды. Тәуелсіздігіміздің символы саналатын мемлекеттік рәміздердің мәртебесі арта берсін, – дейді Жамбыл бөлімшесі филиалы кадр бөлімінің басшысы Меруерт Баймұрзаева.