Тараз және Ташкент колледждері бірлескен жобаларды қолға алады
"Қазақстан теміржолшысы" газетінің Жамбыл облысындағы меншікті тілшісі
Тараз теміржол көлік және коммуникация колледжі маман даярлауда халықаралық ынтымақтастық орнатуға мүдделі. Оқу орнының басшылығы осы мақсатта Ташкент теміржол колледжімен келіссөздер жүргізуде.
ісі бойынша орынбасары Жеңіс Тайбеков бастаған жұмысшы тобы ZOOM платформасы арқылы Ташкенттегі әріптестерімен екі оқу орны арасындағы іскерлік байланыстарды дамыту және өзара тиімді серіктестік орнату жолдарын талқылады.
Ташкент теміржол колледжі басшылығы онлайн кездесуде оқу орнының қызмет бағыттарын таныстырып, ұзақ мерзімді серіктестік орнатуға дайын екендіктерін жеткізді. Болашақ теміржолшыларды даярлауда екі тараптың ынтымақтастық мүмкіндіктері мол. Екі колледж де ортақ жобаларды бірлесе жүзеге асыруға мүдделі.
– Ташкент теміржол колледжі – Өзбекстандағы теміржол саласына мамандар даярлайтын жетекші кәсіптік білім беру орны. Ғасырға жуық тарихы бар. Темір жолда тасымалдауды ұйымдастыру, қозғалысты басқару және пайдалану бағытында мамандар даярлаудағы бай тәжірибесі бар. Сондықтан біз аталған оқу орнымен халықаралық ынтымақтастық орнатуды көздеп отырмыз. Алғашқы келіссөзде серіктестіктің негізгі шарттары мен талаптарын айқындадық. Ендігі міндет – бірлескен оқу-өндірістік әрекеттердің жоспарын келісу, – дейді Жеңіс Тайбеков.
Онлайн кездесуде тараптар алдағы уақытта нақты келісімшарт әзірлеп, қосымша талқылаулар жүргізу туралы шешім қабылдады.