Жетісу облысында жолаушылар инфрақұрылымының екі нысанын жаңғырту аяқталды
Жетісу облысында Ақши станциясындағы жолаушылар инфрақұрылымын жаңғырту және Көктұма теміржол вокзалын қайта жаңарту жұмыстары аяқталды, деп хабарлайды Rail-news.kz.
Ақши станциясында заманауи аялдама павильонының құрылысы аяқталды. Табиғи желдетуге арналған аэрациялық шамдармен және ұйымдастырылған су бұру жүйесімен жабдықталған профильді қаңылтырмен жасалған металл қаңқасы және күрделі пішінді шатыры бар бір қабатты ашық ғимарат салынды. Павильонның периметрі бойынша жолаушылардың қауіпсіздігін қамтамасыз ететін биіктігі 1,2 метр металл қоршау орнатылды. Жаңа шатыр жылдың кез келген уақытында пойыздарды күтуге ыңғайлы жағдай жасайды.
Ақши станция арқылы Алматы, Астана, Қарағанды, Балқаш, Ақтоғай, Достықпен қатынайтын 14 жолаушылар пойызы қатынайды.
1958 жылы салынған Көктұма теміржол вокзалында құрылыс-монтаждау жұмыстары кешені орындалды. Шатырды орнату, ғимараттың сыртқы және ішкі әрлеуі, ішкі сумен жабдықтау, кәріз және жылыту жүйелерін жаңғырту, электр және төмен токты коммуникацияларды монтаждау бойынша жұмыстар аяқталды.
Жазғы тасымалдау кезеңінде станция арқылы Алматы, Астана, Қарағанды, Балқаш, Достықпен қатынасты қамтамасыз ететін 14 жолаушылар пойызы қатынайды.
Жобаларды іске асыру жолаушыларға қызмет көрсету сапасын арттыруға, теміржол инфрақұрылымы объектілерінде болудың жайлы және қауіпсіз жағдайларын жасауға, сондай-ақ Жетісу облысының көлік желісін одан әрі дамытуға бағытталған.
