Жамбыл облысында боранды теміржол вокзалын қайта жаңарту аяқталды
Жобаны іске асыру шеңберінде Боранды вокзалында шатырды монтаждау, ғимараттың сырты мен ішін әрлеу, кәрізбен, сумен, жылумен және электрмен жабдықтаудың сыртқы және ішкі инженерлік желілерін жаңғырту, жолаушылар платформасын реконструкциялау аяқталды. Жаңа жиһаз және заманауи жабдықтар орнатылды. Жаңарту кезінде қазақстандық өндірістің берік материалдары пайдаланылды.
1905 жылы салынған Боранды теміржол вокзалы қайта құрудан кейін 309,65 шаршы метр заманауи бір қабатты ғимарат болды. Станция арқылы Алматы, Астана, Қарағанды, Көкшетау, Бурабай курорты, Павлодар, Семей, Петропавл, Ақтөбе, Маңғыстау, Түркістан, Шымкент және Қызылорда қалаларымен, сондай-ақ Ресей Федерациясымен қатынайтын 20 жолаушылар пойызы қатынайды.
Вокзалды жаңарту жолаушыларға қызмет көрсету сапасын арттыруға, жайлы және қауіпсіз орта құруға, сондай-ақ теміржол инфрақұрылымының қолжетімділігін қамтамасыз етуге бағытталған. Жаңартылған вокзал көлік инфрақұрылымына қойылатын заманауи талаптарға сәйкес келеді және Жамбыл облысының тұрғындары мен қонақтары үшін жайлылықтың жоғары деңгейін қамтамасыз етеді.
