Жүйе тиімділігіне арналады
Қызылорда облысы бойынша меншікті тілші
Қызылорда жүк тасымалы бөлімшесінде екі күнге жоспарланған «Станция және локомотив пайдалану деполарының автоматтандырылған басқару жүйесінің (АСУ) тиімділігін арттыру, оңтайландыру» тақырыбындағы республикалық ғылыми-практикалық семинар басталды.
Семинарға «ҚТЖ-ЖТ» АҚ филиалы Сандық технология департаментінің директоры Ирина Юрьевна Савушкина бастаған орталық аппараттың бір топ қызметкерлері, Ақтөбе, Шымкент, Жамбыл, Қарағанды және Қызылорда жүк тасымалы бөлімшелерінен 80-ге жуық теміржолшы қатысуда.
Семинардың ашылуында Қызылорда жүк тасымалы бөлімшесінің директоры Аманкелді Арысбаев бөлімшенің бүгінгі тынысымен таныстыра келіп, қатысушыларға сәттілік тіледі Екі күндік ғылыми-практикалық семинардың алғашқы күнінде қатысушылар екі блокқа бөлініп, баяндамалар жасайды. Ал екінші күні арнайы тапсырмалар негізінде семинар-тренинг өткізетін болады.
Бұл семинар «ҚТЖ-ЖТ» АҚ бас директорының маркетинг және жүйелі жоспарлау жөніндегі орынбасары Махамбетовтің №ГПЗ/180 хаттамасы негізінде өткізілуде.