Маңғыстау локомотив пайдалану депосы: 5 айдын жетістіктері

Аймақтар
17.06.2019, 10:55

Маңғыстау локомотив пайдалану депосы биыл жыл басынан бергі 5 айда қомақты жанар-жағармай үнеміне қол жеткізді. Мәселен, өткен жылмен салыстырғанда 663,112 тонна дизель отыны үнемделген. 

Сонымен қатар депо ұжымы аталған мерзімде қозғалыс қауіпсіздігіне нұқсан келтірмей, жұмысты жақсы көрсеткіштермен аяқтады. Негізгі эксплуатациялық көрсеткіштерге тоқталған депо директоры Сәндібай Күзембаевтың айтуынша, жыл басынан бері тасымал көлемі техникалық жоспар бойынша 105,27% орындалып, өткен жылдың сәйкес кезеңіне қарағанда 86,13%-ды құрады.

– Ал орташа тәуліктік локомотив өнімділігі техникалық жоспармен салыстырғанда 103,33% орындалды, былтырғыға қарағанда 106,37%. Сол сияқты орташа тәуліктік жүріс техникалық жоспардағыдан 103,48%-ға орындалып отыр. Локомотив бригадалары жұмыс режимінің бұзылуына жол берілмеді, – дейді депо бастығы.

Еңбек өнімділігі кадр сапасына тікелей байланысты. Сондықтан техникалық оқыту жағдайы қашан да басты назарда. Бүгінгі таңда депо бойынша 4 оқу класы бар, олар Маңғыстау станциясындағы депода, Өзен, Бейнеу станцияларындағы айналым деполарында және Шетпе станциясындағы ауысым қосындарында орналасқан. Аталған кластардың оқу құралдарымен жабдықталу мәселесі де бақылауда. Олар «Локомотивтер» кафедрасы, М.Тынышпаев атындағы «Қазақ көлік және коммуникация» академиясы арқылы 2012, 2013 жылдары жасалған оқыту бағдарламалары енгізілген компьютерлермен жабдықталған.

Атап айтқанда, «КЛУБ-У (УП)» 2,0 нұсқасы, «Кран машинисі усл.№395», «Кран машинисі усл.№254», «2ТЭ10М және У тепловоздарының электрлі тізбектеріндегі ақаулықтарды табу және жою», «ТЭ33А магистральді тепловозы ТО-1 техникалық қызметін көрсету және қабылдау», «ТЭ33А тепловозы бойынша оқу құралдары» және т.б.

«ҚТЖ-Жүк тасымалы» АҚ-да қолданыстағы АСУ ЭДТ бағдарламасы, яғни энергия диспетчерлік тартымды автоматты басқару жүйесі арқылы депода машинистің «электронды» бағдары да енгізілген. «Электронды бағдар» локомотив бригадасының негізгі жұмысын реттеп, есебін жүргізеді, мәліметтердің жедел әрі дәйектілігін қамтамасыз етеді. Сонымен қатар қағазсыз технология пойыз тартымына кететін отын-энергетикалық ресурстардың нақты есебін жүргізуге мүмкіндік береді. Әр машинистің кабинасында жоғары дәлдіктегі бақылау-өлшеу құрылғылары орнатылған. Бұл жүйе адамның қатысуынсыз дизель отынының нақты шығынын локомотив жұмысы параметрлерімен салыстыра алады, нақтырақ айтқанда, арақашықтық, қозғалыс жылдамдығы, жүк салмағы, жұмыс тәртібі туралы нақты деректер көрсетеді және отын шығынының жалпы нормадан ауытқуы жағдайынан белгі береді.

Бүгінде депода барлығы 264 машинист және 262 машинист көмекшісі еңбек етеді. Олардың дені өз кәсібін жете меңгерген тәжірибелі мамандар. Депо басшылығы әсіресе осы локомотив бригадаларының білімі мен біліктілігін көтеруді – бірінші кезектегі басымдық санайды. Сондықтан белгіленген кестеге сай машинистер мен көмекші машинистер білім жетілдіру курстарына жіберіліп, аттестациядан өтіп, соның нәтижесіне орай біліктілік санаттарын жоғарылатып отырады. 

Аймақтар
04.04.2025
Бақытын Болашақтан тапқан
Станция тынысы
04.04.2025
Жұмыс қарқыны жоғары
Жолаушылар тасымалы
04.04.2025
«Ақтөбе-Қазалы» бағыты бойынша рейс ашылды
Сұхбат
04.04.2025
Александр Ширяев: Қажетті вагон паркі мен тиімді тасымал ұсынамыз
Аймақтар
04.04.2025
Бөлімше директоры шағын бекеттерді аралап, теміржолшылармен кездесті
Жаңалықтар / Мұрағат
04.04.2025
Қазақстан теміржолшысы газеті, №25 04 сәуір 2025 жыл
Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды
Жаңалықтар
01.04.2025
Асаның ақеділ азаматы еді
Жүк тасымалы
01.04.2025
Көмір тасымалы жалғасуда
ҚТЖ келбеті
01.04.2025
Техникалық білім мен тәжірибе қажет